1. Na bono inche Nephi tinkorika ebinto bionsi abanto babete bakworokigwa; nainche tindi omoriki omonene buna ingokwana; ekiagera ekero omonto agokwana ore nomoika Omochenu Omoika nigo okoira amang’ana aria goika ase chinkoro chiabanto.

2. Korende manya ng’a mbareo bakongirie chinkoro chiabo mamincha y’Omoika Omochenu, ng’a tobwati ibaga ase bare; aseigo bakanga amang’ana nebinto bionsi biria birikire na kobira buna ebinto bitari nangencho.

3. Korende inche Nephi narikire keria narikire, na nigo mbiirete koba ebinto biengencho, mono ase abanto bane, aseigo nigo inkobasabera botambe, na amaiso ane akorire oborere koba amache, ase engencho yabo, naboigo nigo inkorera ase Nyasae ase okwegena, na nigo imanyete goika anyigwe.

4. Na nigo imanyete ng’a Nyasae naigwe amasabo ane ase okonyora abanto bane, na amang’ana narikire amoro nakorwe abe amakong’u ase bare, na kobakora gokora amaya; nakobainyoria igoro yabaise; nagokwana igoro ya Kristo, na kobakora komwegena na koremereria goika omoerio na konyora obogima bwa kare na kare.

5. Na nigo agokwana nobororo mamincha y’ebibe, koreng’ana n’obokeene bw’oboronge; aseigo monto onde tari arabe nobororo ase amang’ana aya narikire gotatiga obeire oyo bw’omoika obirecha.

6. Nigo ingotogia ase obokeene; nigo ingotogia ase oborenge; nigo ingotogia ase Yeso one, ekiagera orusirie omoyo one korwa ase riera.

7. Nigo inde nobwanchani ase abanto bane, na okwegena okonene ase Kristo ng’a nimbe inkobanyora emioyo emenge ere etari na kemoa ase ekerogo giekina kiaye.

8. Nigo inde nobwanchani ase Abayaudi – – Natebire Abayaudi, ase engencho ere engencho ase bare ng’a nigo nduete ase bare.

9. Naboigo nimbwate Obwanchani ase abanto bebisaku. Korende rigereria, onde tari igaa indasemerie gotatiga bairanire ase Kristo, na gosoa ase egeita, na gotara ase enchera endonge eyio ekoraa goika ase obogima, na kogenderera ase enchera goika ekero kierituko riria riegesibibo.

10. Na bono inwe abaminto abanchwa, na boigo Abayaudi, nainwe chinsinyo chionsi, yaigwe amang’ana aya na kwegena ime ya Kristo; na onye timokwegena ase amang’ana na kwegena ase Kristo. Na onye mokwegena ime ya Kristo imwegene ime ya amang’ana aya, ekiagera nigo are amang’ana a Yeso Kristo, na oyang’eire aya; na naboigo bakorokereria abanto bonsi ng’a banyare gokora buya.

11. Na onye tari amang’ana a Kristo, nachera – – Kristo naborokie ase more, nechinguru na obonene; ng’a aya naro are amang’ana aye, ase rituko ri’omoerio; erio aye na inche ntotenene obosio ase obosio ase obosio bwaye, na erio nomanye n’ga nigo achigete koyarika aya.

12. Na nigo ingosaba ase Tata ase erieta ria Kristo ng’a abange baito, onye tari bonsi, mbakonyeke ase oborwoti bwaye ase rituko rinene ri’omoerio.

13. Na bono, inwe abaminto, inwe mwensi abamore abenyomba ya Israel, amo nainwe abamore ase chinsinyo chiense, nigo ingokwana ase more buna eriogi rigokura korwa ase amaroba: Okwaeri goika rituko riria rinene riche.

14. Nainwe aba motaboire obuya bwa Nyasae, na motasigeti amang’ana ya Abayaudi, naboigo amang’ana ane; na nonya namang’ana aria ararwe ase omonwa bw’omwana one, rigereria nabaeire okwaeri gwa kare na kare, aseigo amang’ana nabagambie inwe ekero ki’omoerio.

15. Inee ngento ki nabekire omouri ase ense, nkebe mamincha ase more ekero giekina; ekiagera Omonene ochikire na goika inyare koigwera. Amina.