1. Korende rigereria, aya nigo arabe ase obonge – – ase amatuko aria ekero indagenderere gokora amakumia ase egati yabo, erinde nario indainyore okobwatana koria nabegete ase abana bamwanyabanto nakoimokia okoboko kwane naende ase okoirania abanto bane naende abwe bare enyomba ya Israel;

2. Naboigo, ng’a inyinyore eira eria nabegete ase more, na ase Nehpi, na boigo ase abaiso baino, nario indainyore oroiboro rwaino; naboigo amang’ana y’oroiboro rwaino ase omonwa one ase abana baino; na amang’ana ane nigo arabe goika omoerio bwense, na aya abe ase ogokonya abana benyomba ya Israel;

3. Na ase engencho yane arabe akogenderera Abanto bebisaku abange imbatebe ng’a: Ebibilia! Ebibilia! Twanyorire Ebibilia, na tekonyorekana Bibilia ende naende.

4. Korende otebire Omonene Nyasae: O inwe abariri mbabe bare na Bibilia; na nigo eranyare korwa ase abayaudi, abanto bane ababwatani abakoro. Na tiga baake ng’a mbuya mono ase abayaudi ekiagera Ebibilia yarwete ase bare? Inee niki engencho yabayunani? Inee imbainyore orogendo, na obosomba bwabo, na obororo bwa Abayaudi, na obwororo bwabo ase inde, ase okoreta ogotoreka ase abanto bebisaku?

5. O inwe abanto bebisaku inee imobainyorete Abayaudi, abanto beira bane bakare? Yaya; korende mwabaragereirie na kobaseria, na timori nokogania kobairania. Korende rigereria nimbe inkoirania ebinto ebi bionsi ase emetwe yaino; ekiagera inche Nyasae Omonene tindeba abanto bane.

6. Inwe abariri, imotebe ng’a: Ebibilia, intobwate Ebibilia. Inee nigo mwanyorete Ebibilia bosa onye etaeterete ase Abayaudi?

7. Inee inwe timomanyeti ng’a nchireo chinse chinde kobua eyemo? Inee inwe timomanyeti ng’a inche Omonene Nyasae oino nere otongete abanto bonsi, na nigo imanyete bonsi abare ase ebisinga bienyancha; naboigo nigo inde omogambi oigoro na ense; na naretire amang’ana ane ase abana bamwanyabanto naboigo nonya nase chinse chionsi chiense?

8. Aseigo inwe nigo mokwemurung’ania, ase engencho ng’a imonyore ring’ana ria Nyasae? Inee timomanyeti ng’a chinse ibere nigo chire birori ase more ng’a inche Nyasae, ng’a nigo inkoinyora ense ende buna eyende? Naboigo nigo ingokwana ring’ana ribwekaine buna riria ngokwana ase ense ende. Na ekero chinse echi ibere chirabe amo naboigo oborori nigo borabe amo.

9. Na nigo ingokora aya ase okweorokia ase abange ng’a nigo inde oria oigoro, rero, na goka kare na kare; na nigo ingokwana amang’ana aya ane ase okobua kwane omonyene. Na manya ng’a nigo nakwanire ring’ana erimo na nigo mogokana ng’a tinkwana naende erinde; na manya ng’a emeremo yane teraera; gose naboigo erabe goika nonya nomoerio bw’abanto, na korwa abwo goika kare na kare.

10. Aseigo, ase engencho more ne Ebibilia timori nokogania ng’a nigo ebwate amang’ana ane; na timomanyeti ng’a ninche narwete arikwe.

11. Aseigo nabachikire abanto, bonsi bare ase mocha, na bosongo na sugusu, na irianyi, nonya mbaria bare ase ebisinga ime yanyancha. Ng’a mbarike amang’ana aria nakwanete ase bare, ekiagera korwa ase amang’ana nimbe inkobagambia amang’ana ayio, kera omonto nogokora kwaya na koreng’ana nakeria kerikire.

12. Erio ninkwane ase Abayaudi nabarobwo mbarike; naboigo ninkwane ase Abanephi nabarobwo mbarike; naboigo nigo indakwane ase ebisaku binde bia Israel abwe naraire, nabarobwe mbarike; naboigo ninkwane ase chinse chionsi chiense koyarika.

13. Erio neike engaki ekero Abayaudi barayanyore amang’ana ya Abanephi, na Abanephi barabe bakoyanyora amang’ana ya Abayaudi; Erio ekero ekio Abanephi na Abayaudi mbayanyore amang’ana y’ebisaku ebisiru; naboigo ebisaku ebisiru mbiyanyore amang’ana korwa ase Abanephi na Abayaudi.

14. Naboigo neike engaki ekero abanto bane benyomba ya Israel barabe amo ase ense eria yobomenyo bwabo; Erio amang’ana ane nabe ayamo. Naende nimbaorokie ng’a korwania amang’ana aya amo na banto bane, abwe bare abanto benyomba ya Israel, ng’a inche Nyasae, oria obegete obobwatani na Abrahim ng’a nimbe inkoinyora oroiboro rwaye kare na kare.