1. Inwe abaminto abanchwa bane, nigo inkoyasoma amang’ana aya erinde monyare komanya igoro y’okobwatana koria akorete ase abanto benyomba ya Israel –

2. Naboigo agakwana ase, Abayaudi, ase omonwa bw, ababani baye abachenu nonya korwa omochakano goika ekegori ase ekegori, goika engaki eike y’okoborigwa ase ekenisa y’ekeene na eyobonene bwa Nyasae; ekero barabe amo ase enka ase ense yabo y’obomenyo bwabo, na bamenteke kera ase ense yabo yeira.

3. Rigereria, inwe abaminto abanchwa, nigo ingokwana ase more amang’ana aya erinde monyare kogoka, na koimokia emetwe yaino kare na kare, ase engencho y’ogoseseneka Omonene Nyasae ararwe ase abana baino.

4. Nimanyete ng’a mwarigirie amange, abange baino momanyete igoro y’ebinto ebi bigocha; aseigo nimanyete ng’a imomanyete ng’a emebere yaito goika esire na gokwa; nonyanaboigo ase emebere yaito ntomorore Nyasae.

5. Namanyire ng’a imomanyete ng’a ase omobere nabe okweorokia ase baria bare Yerusaremu, korwa ase twarwete; nare nekeene ng’a nabe egati yabo; aseigo agekora omoke na koigwera mwanyabanto ase omobere; na gokwa ase abanto bonsi erinde banyare komoigwera.

6. Aseigo amakweri abeire agoeta ase abanto bonsi, ase ogoikerania omoroberio bw’amabera y’omotongi; goika neganerigwe chinguru chiokobokigwa, na okobokigwa goika koganie gocha ase abanto ase engencho y’okogwa; na okogwa nigo gwachete ase engencho y’ogosaria; na ase engencho omonto abete okogwa ekagera bakanachwa korwa ase obosio bw’Omonene.

7. Aseigo goika eganerigwe ekengw’anso getagosira – – gotatiga kiabeire ekengw’anso getagosira, emechando tekoba etaikeranetie. Aseigo ekina egetong’ani keria giachete igoro ase abanto goika keganie ogotigara gotari n’omoerio. Na onye naboigo, omobere oyo goika obekwe inse na kogunda, na gosareka ase oikoirana ase ng’ina oyio ore amaroba, otanyare koboka.

8. O chisemi chia Nyasae, amenteera na obuya bwaye, aseigo rigereria onye omobere oito tokoboka rinde emeika yaito nigo eraigwere omomaraika oria ogwete korwa ase obonene bwa Nyasae, na koba ekerecha, otaboke naende.

9. Emeika yaito nigo erabe buna ere, na koba ekerecha, amaraika y’ekerecha, nagosiekerwa isiko korwa ase obonene bwa Nyasae, nagotigwa nabatata boborimo, ase ogosira; koreng’ana buna ere; omonto oria obang’ainete abaibori baito abatang’ani, oria bweonchorete buna omomaraika bw’oborabu, na kobaimokia abana ba Mwanyabanto ase obobisi bw’ogoita na ase chingencho chionsi chiamakoro y’omosunte.

10. O inaki are anene ase obuya bwa Nyasae, oyorosetie enchera togotamera korwa ase omobisa oyo; omobisa oria amakweri, na chehanamu, ayio inkoroka amakweri y’omobene, naboigo amakweri y’omoika.

11. Na ase engencho y’okooboria kwa Nyasae oito, omochenu o Israel, amakweri aya ingokwana igoro yaye, ayio are ayabosa, nabokie ebitondo biaye ayio are amakweri y’embera.

12. Na amakweri aya nakwanire, ayio are amatweri y’omoika, nabokie ebitondo biaye ayio are chahanamu aseigo amakweri na chahanamu mbiorokie ebitondo biabo na chahanamu neorokie ebitondo biaye biemeika na chimbera nchiorokie emebere, na omobere na omoika mbibekwe amo naende; na naya nase engencho y’echinguru chi’okobokigwa kwaye oria omochenu o Israel.

13. O inaki omoroberio bw’Omonene ore Omonene, ase engencho ende, Eparadiso ya Nyasae n’eorokie emeika ya abachenu; na chimbera chiorokie emebere ya abachenu; na emeika n’emebere nebe amo naende, na abanto bonsi mbabe abatagosareka, na koba emioyo etagokwa, ebwate obong’aini buna obwato tobwate ase emebere, gotatiga obongaini bwaito borabe oboikeranu.

14. Aseigo ntonyore obong’aini oboikeranu igoro y’obobe bwonsi bwaito, na ogotaikerana na obogesogono bwaito na obochenu bwaito mbobe bokonyora obong’aini bw’okwegokia kwabo, na oboikeranu bwabo mbobe bogosokwa n’obochenu, nonya nechiganchwa chiobochenu.

15. Na neike engaki ekero abanto bonsi barabe baetire korwa ase amakweri aya yeritang’ani goika ase obogima, buna bakoba abatagokwa bonsi mbaike ase ekerogo giekina ki’omochenu o Israel; na buna ekina gegocha aseigo kera oyomo nabe okogambigwa koreng’ana n’okonacherwa ogochenu kwa Nyasae.

16. Na nigo inkobatebia ekeene ng’a buna Omonene are moyo, ekiagera Omonene Nyasae oyakwanire aya, na aya namang’ana aye aria akare na kare aria atanyare gosira, ng’a baria bare abachenu imbagenderere koba abachenu, na baria abasaria mbabe abasaria, aseigo; abasaria aba mbirecha na amaraika aye; nabarobwo mbarusigwe aroro nakoirwa ase omorero okare na kare; oroisirie ase bare; na emechando yabo nigo enga buna ogochandeka kw’enyancha y’omorero, eyio omorero oye obumbuchete kare nakare otari n’omoerio.

17. O ase obonene obuya bwa Nyasae oito! Ekiagera ere orure amang’ana aye, na arure ase omonwa oye, na ogochika kwaye goika gooikeranigwe.

18. Korende rigereria, abachenu, abachore baye ere omochenu o Israel, baria begenete ase ere omochenu o Israel, baria baremereirie oboakong’u bw’ense, na gachecherigwa nobosoku imbasoe ase oborwoti bwa Nyasae, boria bwarosetigwe korwa ase omochakano bw’oboroso bw’ense, na omogoko obo noichore kare na kare.

19. O obonene bwa amabera a Nyasae, oyore omochenu o Israel! oria obaboretie abachore baye korwa ase egesibo kiaye oria omobisa ore kerecha, na amakweri, na chahanamu, na enyancha eria y’omorero, etabwati omoerio bw’ogochandeka.

20. Inee inaki ase obochenu bwa Nyasae oito! Ekiagera ere nayamanyete onsi, na kende tikeri arabe atakemanyeti.

21. Na ingochaare ase ense kobatoria abanto bonsi onye bakoigwa eriogi riaye; rigereria nigo arachandeke n’obosareru bwa abanto bonsi, obosareru bwa kera egetongwa, bonsi abasacha, abakungu na abana abwo bare ase omochi o Adam.

22. Na nigo arachande boigo ng’a nario okobokigwa korabe gogoeta ase abanto bonsi, erinde banyare gotenena ase obosio bwaye ekero ki’erituko ri’ekina ekenene.

23. Na obachikire abanto bonsi ng’a goika baangame na kobatiswa ase erieta, babwate okwegena oboikeranu ase ere omochenu o Israel, onye bare ase ebibe tibakonyara gokonyeka ase oborwoti bwa Nyasae.

24. Manya onye tibakwegena na koangama ase erieta, na koremereria goika omoerio; goika bagambigwe ekiagera Omonene Nyasae oyore omochenu o Israel, otebire.

25. Aseigo orure ogochika; na aase ogochika gotaruri gesusuro nkeiyo; na aase egesusuro getaiyo kina tikeiyo, na aase ekina getari amabera aye omochenu o Israel nigo are igoro yabo ase engencho y’ekengw’anso; ekiagera baborigwe nechinguru chiaye.

26. Aseigo ekeng’wanso nigo gegoisanekia okogania kw’obochenu bwaye igoro ase baria bataeirie ogochika, aba baborigwe korwa ase, omobisa oria, amakweri, na chahanamu, na ebirecha, na korwa ase enyancha y’omorero, oria ogochandeka kwaye gotari n’omoerio; na bakonyirwe gochia ase Nyasae oria obaete okoeyana, oria ore omochenu o Israeli.

27. Korende oragererigwe ere oria oeire ogochika, na oyabwate amachiko onsi a Nyasae, buna intwe na koyanga, na korwana nerituko riaye, aseigo obobe nase are.

28. O emeroberio eria ya baria abanyene obobe! O, inwe abwe more ababisa na abanyaka, na abariri oboriri bwa abanto! Ekero bagosoma bagakaga ng’a nigo bare nechisemi, na tibakoigwera amang’ana y’Omonene; aseigo bayabeka ensemo, nagoteba ng’a mbamanyete boka abanyene, aseigo chisemi chiabo noboriri tichiri nogokonya ase bare. Na mbabe bagosira.

29. Korende gosoma mbuya onye bakoigwera amang’ana y’Omonene Nyasae.

30. Korende okoragererigwa ase abanda, abwo bare abanda ase ebinto bi’ense. Aseigo ase engencho bare abanda babachaya abataka, na babachanda abaitongo, na chinkoro chiabo nigo chire igoro ase chinibo chiabo; naboigo chinibo chiabo chiabeire Nyasae obo. Na rigereria chinibo chiabo nchisire amo nabwo.

31. Na okoragererigwa ase emetino eria etari koigwa; ekiagera barobwo imbasire.

32. Baragererigwe abare emeuko ekiagera batari korora; ekiagera barobwo imbasire boigo.

33. Baragererigwe abatarogetie chinkoro chiabo, ekiagera obong’aini bw’ebibe biabo mbobasirie ase amatuko y’omoerio.

34. Baragererigwe abagokwana oborimo, ekiagera barobwe mbarutwe ase riera ria chaahamu.

35. Baragererigwe abare abaiti n’ogwancha, ekiagera barobwo mbakwe.

36. Baragererigwe abare abagenki, ekiagera barobwo mbarutwe ase riera ria chahanamu.

37. Okoragererigwa ase baria bagosasima chisanamu, ekiagera kerecha bw’ebirecha bionsi obaichoire.

38. Naende ase obuya, okoragorerigwa ase baria bagokwa ase ebibe biabo; ekiagera mbairane gochia ase Nyasae, na korigereria obosio bwaye na gotigara ase ebibe biabo.

39. O, abanchwa bane, inyora omochando bw’ogosaria mamincha ya Nyasae oria omochenu, na omochando bw’ogwesoyia ase amang’ana ya baria bare ababe. Inyora, ng’a koba nebirengererio ebibe n’amakweri, na koba nebirengererio biekemoika nobogima bwa kare nakare.

40. O, inwe abaminto bane, igwa amang’ana ane. Inyora Obonene bworia Omonene O Israel. Timoteba ng’a nigo nakwanire amang’ana amakong’u ase more; aseigo onye mogokora bo nigo morasarie ekeene; ekiagera nigo nakwanire amang’ana y’omotongi Oino. Na nigo imanyete ng’a amang’ana yekeene nigo are amakong’u ase Obobe; korende abachenu mbari nokoiraka ase are, ekiagera nigo banchete ekeene na tibari gotengechigwa nonya nake.

41. O inwe abanchwa bane, inchwo ase Omonene Omochenu. Na inyora ng’a chinchera chiaye nechiobochenu. Rigereria, enchera eye ase omonto nigo ere enyerere, korende nigo ekoraa ase obuya, na oyore omorendi nere Oria Omochenu O Israel; na tabwati mosomba igaria; na nchera ende teri gotstiga egeita keria gioka; ase tan’gaineka ekiagera Omonene Nyasae nario erieta riaye.

42. Na onde bwonsi orature ase are naigorerwe, abang’aini, na abasomi, na baria abanda, baria beimokereretie igoro asengencho yogosoma kwabo nobongaini bwabo na obonda bwabo – – Aba nabwo baria ere agochecheria; na onye imbabituguta ebinto ebi are, na kwebeka koba abariri ase Nyasae, nakoba inse ase Obwororo, tibakoigorerwa.

43. Korende ebinto bia abang’aini na ebiengencho mbibe bikobiswa korwa ase bare kare na kare – – na ase omogoko oria oroseirie abachenu.

44. O inwe abanchwa bane, inyora amang’ana ane. Rigereria, narusirie chiganchwa chiane, na kobakwania ase more; Nigo ingosaba Omonene one Nyasae bw’ogotoreka kwane anyare kondigereria namaiso aye akorora, aseigo inwe imomanye ekero kiomoerio, ekero abanto bonsi barabe bakogambigwa ase amakoro abo, nonya Nyasae O, Israel obeire kirori ng’a nabaete okwaeri kw’ebibe biabo korwa ase omoyo one, naboigo natenenire ase oborabu ase are, na nesibirie namanyinga ao.

45. O inwe abanchwa bane, karwe ase ebibe biaino; seria chinyororo chioria oganetie kobasiba ritang’ani; Na inchwe ase Nyasae oria ore egetare kiogotoreka kwao.

46. Aregania emioyo yaino ase rituko riria ri’Obonene ekero ekeene kerakwanwe ase obochenu, nonya nekero kierituko riria orabaise korimeria kore nobwoba; na toinyora obobe bwao ase oboronge, na gotigara ase okorera: Omochenu, omochenu oko nakwe okonacha kwao, o Omonene Nyasae omonyanguru – – korende namanyire obobe bwane; nasaririe amachiko ao, na ogosaria nokwane: na birecha onyorire inche nakongira na nigo inde ase obobe bwaye.

47. Korende rigereria inwe abanchwa bane, inee mbuya ase okobabokia ase obobe obo bwekeene ase amang’ana aya? Inee nindusie emioyo yaino onye ebirengererio biaino bire ebiya? Inee nimbe ase oboene ase more koreng’ana nekeene kioboronge onye ndiria mwarwa ase ebibe?

48. Rigereria, onye ndiria more abachenu kanga nigo narwa obochenu ase more; korende bono ase engencho motari abachenu, nande mokondora buna omworokia, nigo ere buya imborokie igoro yebibe.

49. Rigereria omoyo one nigo ogechirie ase ebibe, na enkoro yane nigo ere ase oboronge; na nimbe inkoritogia erieta ria Nyasae one.

50. Ninchwo inwe abaminto abamore nerang’o, inchwo ase amache; na oria otari na besa, inchwo ogore na orie; inchwo mogore edivai namabere motari korwa besa, na igori ritaiyo.

51. Aseigo tiga gosaria chibesa ase amang’ana abosa, gose gokorera amang’ana atari koigotia. Inyigwe ase obong’aini, na inyora amang’ana aria nakwanire; na inchwo ase ere oria Omochenu O Israel, na timogokera keria gegosira, gose gegosareka, na tiga emiyo yaino enore.

52. Rigereria inwe abaminto, inyora amang’ana a Nyasae; saba asare botambe, na togia erieta riaye richenu kera obotuko. Na tiga omoyo oo obe nomogoko.

53. Na rigereria inaki okobwatana kw’omonene kore okonene; na inaki ebirengererio biaye bire ebinene ase abana ba mwanyabanto; na ase engencho y’obonene bwaye nobuya, namabera aye, orire eira ase tore ng’a oroiboro rwaito tirogosira ase omobere, ng’a ere nabarende; na ekero kiabosio mbabe ekegori kiobochenu ase enyomba ya Israel.

54. Nabono abaminto, ninkwane ase more naende; korende mambia nintebe ase more ekeinyorio kia amang’ana ane. Amina.