1. Nabono, rigereria, inwe abaminto, namanyire ng’a nigo more ase chinkoro chiaino koreng’ana naria mogwenerete mokore ekero more ase enchera. Korende rigereria, ninki gekogera mokobisa ase chinkoro chiaino?

2. Timwanya komanya ng’a inatebete ase more ng’a nyuma ekero mwanyorire Omoika Omochenu ing’a mobe mogokwana ase chimeme chia amaraika? Inee inaki morakore mokwane ase chimeme chi’amaraika onye Omoika Omochenu toiyio?

3. Amaraika nigo agokwana ase chinguru chi’Omoika Omochenu; naboigo nigo agokwana amang’ana a Kristo. Na boigo inkabatebia ng’a sangererekana igoro ase amamang’ana a Kristo; korende rigereria, amang’ana a Kristo indigotebie onsi aria agwenerete okore.

4. Aseigo, bono nyuma ekero nakwanire amang’ana aya, na onye timokoigwa amang’ana aya nigo erabe nasengencho motasabeti, gose gotura; gose timoretirie ase oborabu, korende nigo morasire ase omosunte.

5. Korende rigereria, naende nabatebirie ng’a kamorasoe ase orogendo ase enchera, na konyora Omoika Omochenu, noborokie aria onsi mogwenerete gokora.

6. Rigereria aya naro amorokererio a Yeso Kristo, na morokererio ande tari ararwegwe gotatiga ekero arabe okweorokia ere bweka ase more ore nomobere. Na ekero ekio areorokie ase omobere ase more, kera egento arabe ogogeteba ase more goika mobe mogogekorera.

7. Na bono, inche, Nephi, tingokwana amange; Omoika onkanirie gwatora, na natigaire inkorera ase engencho yogotegena, na obworo, ogotamanya, na obogesogono bwa mwanyabanto; ekiagera tibara korigia obong’aini, gose komanya obong’aini obonene, ekero bokorugua ase bare ase oboronge, nonya nkoreng’ana noboronge buna obwering’ana bore.

8. Na bono, inwe abaminto, nigo imanyete ng’a nonya mbono nigo motigarete koba ase okorengereria gwe chinkoro chiaino; na chiangechirie echio chiagerire ngokwana igoro ya amang’ana aya. Onye ndiria mwaigwera omoika oria okworokia omonto buna agosaba goika momanye buna mogosaba; ekiagera omoika obirecha tori kworokereria buna omonto agosaba, korende nigo okworokoreria omonto tanyara gosaba.

9. Korende rigereria inche nabatebirie ng’a goika mobe mogosaba kera rituko, motari korosa; ng’a timonyara komenta kende gionsi ase Omonene, gotatiga ase ensemo entang’ani gosaba ase Tata ase erieta ria Kristo, ere nabeke onsi ase more, erinde nario amasabo aino ase ogokonya emioyo yaino.