Egesieri 5
Ogokurerwa kwa Nyasae ase Nephi, ase ogweatanana korwa ase baria barigetie obogima bwaye – – Zoramu, Sam, Yakobo na Joseph na abande bakaba amo nere – – Omoyio o Labani – – Okoagachwa gw’ekabu – – Nephi omorwoti gose omorendi – – Abaenenu bakaragererigwa amo nerisankwa rimwamu – – Abakuani na aborokia bagachorwa.
1. Rigereria ekero yaika engaki inche, Nephi, nkorera mono ase Omonene Nyasae one, ase engencho y’obororo bw’abaminto.
2. Korende rigereria, obororo bwabo bokaba bokomenteka mamincha yane, erio bakaba bakorigia koborusia obogima bwane.
3. Bakemurungania mamincha yane, nagoteba ng’a: Oyominto nigo arengereretie gotogambera; na twabeire nemechando ase engencho yaye; aseigo, tiga tomoite, nario totabe togochandeka as’engencho ya amang’ana aye. Korende rigereria, titokoba nere buna omarai aito; aseigo nigoro yaito, aba tore abamwabo abanene, kogambera abanto baye.
4. Tindigeti amang’ana onsi igoro ase chibao echi ayababete bakwemurungania Mamincha yane. Korende ase okong’isanekia na goteba ng’a nigo barigetie gosiria obogima bwane.
5. Egaika engaki Omonene agonkurera, ng’a Inche, Nephi, imbe ngobama korwa aroro gochia eroro, na bonsi baria baragende amo nainche.
6. Erio inche, Nephi, inkaira omochie one, naboigo Zoramu n’omochie oye, na Sam, momura ominto Omonene n’omochie aye, na Yakobo na Joseph, bamura baminto abake, naboigo baiseke baminto, nabonsi baria baragende nainehe. Nabaria banchete kogenda nainche nigo barenge baria begenete ogokurerwa na okomanorerwa kwa Nyasae; aseigo bakaba bakoigwa amang’ana ane.
7. Erio tokabogoria chieema chiaito na keria kiagwenerete tokoira, na tokagenda orogendo oronene ase eroro ase engaki ya amatuko amange. Erio ekero twagenda ase engaki entambe tokaba tokoagacha chieema chiaito.
8. Na abanto bane bakagania koaroka aase abwe eriete ria Nephi; aseigo tokaaroka aase abwo Nephi.
9. Na bonsi baria barenge amo nainche bakeroka boka abanyene ng’a abanto ba Nephi.
10. Na tokaba tokorenda ebina, na amachiko y’omonene ase ebinto bionsi koreng’ana n’ogochika kwa Musa.
11. Na Omonene nigo arenge amo naintwe; na tokaba tokomenteka mono; aseigo togasimeka chimbusuro, na kogesa ase obonge. Na togachaka gotuga amaicho y’echitugo ao ao.
12. Na inche, Nephi, inabete inkoreta amang’ana aria arikire igoro ase chibao chiefetha; naende boigo omobira oria orosetigwe na tata ase okoboko kw’Omonene, koreng’ana nakeria kiarikire.
13. Erio togachaka komenteka mono, na goichora ase ense.
14. Na Inche, Nephi, inkabogoria omoyio o Labani, ase omobwekano oye inkarosia emeyio emenge, ase engencho ya abanto abwe bono bakorokwa abaLamani nabo barache gocha ase tore nagotosiria; ekiagera nigo imanyete okogecha kwabo aseinde amo n’abana bane nabaria bonsi bare korokwa abanto bane.
15. Na inkorokia abanto bane koagacha amaagacho, na koagachera monte onde bwonsi eema, yechiefetha na chichuma chinkong’u na chithahabu, na amagena yerigori, ayio arenge ase obonge.
16. Na Inche, Nephi, inkaagacha ekalu; na nigo nayegwekanetie neria ya Solomoni gotatiga etaagachetwe nebinto ebinge bieringori; ekiagera tibiarenge onyorekana ase igo ense eria ase tiyare koagachwa buna eria ya Solomoni. Korende omoagacho oye nigo orenge buna oria o Solomoni; na okoroseka kwaye nigo kwarenge okuya mono.
17. Erio egaika engaki inche, Nephi, inkobakora abanto bane koba abanyamasikani, na gokora emeremo ya amaboko abo.
18. Erio bakagania ng’a imbe omorwoti obo. Korende inche, Nephi, inatagete babe n’omorwoti; korende, ingakora ase bare keria naganetie gokora koreng’ana nechinguru chiane.
19. Rigereria, amang’ana Omonene abaichoire abaminto, aria akwanete igoro yabo, ng’a inyare koba omorai na omworokia obo, koreng’ana n’ogochika kw’Omonene, goika engaki barigetie korusia obogima bwane aroro.
20. Aseigo ring’ana ri’Omonene rigaikerana riria akwanete ase inde, na goteba ng’a: Buna batabe bakoigwa amang’ana ao mbabe bakonachwa korwa ase obosio bw’Omonene. Na rigereria, bakaba bakonachwa korwa ase obosio bwaye.