Egetabu Gia Kabere Kia Nephi

1. Erio ekero nakora kworokereria abaminto, tata Lehi, agakwana ebinto ebinge ase bare boigo. Mbinto ki ebinene Omonene abeire ogokora ase bare ekero kiomochakano na kobarusia ense ya Yerusaremu.

2. Akaba ogokwana igoro y’ogosaria kwabo ime ase amache, na ebikone bia Nyasae bikarenda obogima bwabo, erio tibanyara komerwa na enyancha.

3. Naboigo agakwana igoro y’ense y’eira, eyio banyorete – – Namabera ang’ana ingaki Omonene abwate ase okonya gotokurera ng’a ntobe nobosibore korwa ase ense ya Yerusaremu.

4. Rigereria, otebire ere ng’a, narorire okorora, okwo namanyire n’ga Yerusaremu yasarigwe; na onye totigara aroro kanga naintwe tosire.

5. Korende agateba ere ng’a, tari ase ogotenena kwemechando yaito, twanyorire ense y’eira, ense yogochorerwa kobua ense ende yonsi, ense Omonene Nyasae andierete eira goika ebe ense y’obomenyo bw’oroiboro rwane. Omonene nigo andierete eira na ase abana bane kare na kare, na boonsi baria barairwe isiko ase chinse chinde ase okoboko kw’Omonene.

6. Erio inche, Nephi, inkabana koreng’ana nogokora kw’Omoika oyio ore ime yane, kanga onde taigete ase ense eye okonyegete, Nigo baraetwe n’okoboko kw’Omonene.

7. Ase ayio ense eye nigo egacheire oria araete. Na onye taribo imbamokorere koreng’ana namachiko arwete, nebe ense y’obosibore ase bare; aseigo, tibakoirwa ase obosomba, onye nabo nigo erabe ase engencho y’ebibe; onye ebibe bigosoa ense ebe ekoragererigwa ase engencho yabo, korende ase abachenu nesesenigwe kare na kare.

8. Rigereria, nigo erabe chisemi ng’a ense eye nebe ekorendwa buna korwa ase obong’aini bwe chinse chinde; rigereria chinse chinyinge nchiire ense eye na aase tagotoka ase obomenyo.

9. Erio inche, Nephi, nanyorire eira ng’a ase baria Omonene Nyasae araete korwa ase ense ya Yerusaremu mbabe bakoyarenda amachiko, mbabe bakomenteka ase ense eye; na mbabe bakorendwa korwa ase chinse chinde, na mbabe bakoira ense eye boka. Na onye bakorenda amachiko mbabe bagosesenigwa igoro ase ense eye, na onde tari orabachande, gose koira ense y’obomenyo bwabo; na imbabe bakomenya bare buya kare na kare.

10. Korende rigereria, ekero engaki egoika egonchoka ase abategeneti, ekero banyorire ogoseseneka korwa ase okoboko kw’Omonene na babwate obong’aini bw’ogotongwa gwense, na mono onde bwensi omanyete amakumia y’omonene korwa ase ogotongwa gwense; ekero baeirwe chinguru gokora kera egento ase okwegena; ekero baranyore amachiko korwa omochakano, na ekero babeire bakoretwa nobuya bwaye ase ense eye y’eira. Rigereria natebire, onye rituko rigoika ekero baramokane ere omochenu o Israel, Massaya bwekeene, omoboria obo na Nyasae obo, rigereria, ekina kiaye gie ekeene nkebe igoro yabo.

11. Nabe okoreta chinse chinde ase bare, naabae chinguru, na abaure ense yabo, na nabakore gosiarerekana na goitwa.

12. Buna ekegori ekemo gegoeta gochia ekende amanyinga nigo arabe agoiteka, na ogotarerwa okonge egati yabo; ase igo abana bane nigo inganetie moinyore ng’a, nigo inganeti moigwe amang’ana aye.

13. O kanga mwaboka; boka korwa ase chitoro chinene nonya nase chitoro chia chanamu, na nyegeria chinyororo chibasibete, chinyororo chiria chiabasebete abana babanto, na bakairwa ase obosomba inse ase eora yakare na kare na eragereirie.

14. Boka na imoka korwa ase amaroba, na igwa amang’ana y’ogotengechigwa kwa abaibori, inwe amagoro aino bwango aragende ase akirete ime y’embera, korwa ase okoirana gotabe; amatuko amake na ingende enchera y’ense yonsi.

15. Korende rigereria, Omonene oboririe enkoro yane korwa chanamu; na narorire obonene bwaye, na nigo intantanirie igoro ya kare na kare ime ase amaboko y’obwanchani bwaye.

16. Na inkagania ng’a mobe mokoinyora koyakorera amachiko na ebina biomonene; rigereria, aya naro are ase omoyo one korwa omochakano.

17. Omoyo one nigo oichire nakoiranigwa inse n’obororo engaki ase engaki na inkaba imbwate obwoba, ase obokong’u bwechinkoro chiaino Omonene Nyasae oino nabe ogocha nendamwamu yaye ase more na konachwa na gosirigwa kare na kare.

18. Gose, ng’a okoragereria ngoche ase more ase engaki yebigori ebinge; na motarerwe nomoyio, na enchara, na kogechigwa, na nakoirwa koreng’ana nokobua na obosomba bwe kerecha.

19. O abana bane aya namang’ana kero kende tagocha ase more, korende monyare koba abachore na obuya ase Omonene. Korende rigereria, okobua kwaye gokoreke; chinchera chiaye nigo chire chinchenu kare na kare.

20. Na otebire ng’a: Buna morabe mokorenda amachiko imobe mogokina ase ense; korende buna motari korenda amachiko goika monachwe korwa ase obosio bwaye.

21. Nabono omoyo one obe nomogoko, na enkoro yane ebe egotiga ense eye amo n’omogoko ase engencho yaino ng’a imbe tindi nobororo goika ase embera, boka korwa ase ebuse, inwe abana bane na kabe abanto abagima, na kabe nebirengererio ebimo na omoyo oyomo, kabe amo ase ebinto bionsi, erinde nario motagende ase obosomba.

22. Nario motaragererigwe amo n’amang’ana y’okoragererigwa; naboigo, na imosoa ase endamwamu ya Nyasae igoro ase more, ime ase ogosareka, na ogosareka gwa kare na kare omobere na omoika.

23. Boka, abana bane mwesoke chianga chesegi enchenu chinyegerie chimyororo echio mosibire nachio, na inchwo korwa ororo, na boka korwa ase amaroba.

24. Timoba mamincha ase bamura bamino, abwe amang’ana abo are ayobonene, na abarendire amachiko korwa ase engaki twarwete Yerusaremu; na babeire ebibekerero ase amaboko y’Omonene Nyasae; na gotobogoria goika ense y’eira; na tari ase are, kanga nigo twasirete ase enchara ime ase eroro; mokarigia koborusia obogima bwaye; na agachandeka nobororo ase engencho yaino.

25. Nainche inkaondoka mono ase engencho yaino, nabo naende arachandeke naende; na rigereria mwamosoereire ng’a narigetie chinguru na okobua ase more; korende nigo imanyete ng’a tarigetie inguru na okobua ase more, korende nigo arigetie obonene bwa Nyasae, amo nobogima bwaino bwa kare na kare.

26. Na mokemurungania asengencho are kobatebia ekeene. Na mogateba ng’a nigo akwanete amang’ana amakong’u, na moteba ng’a nigo abagechete, korende rigereria, obotindi bwaye nigo bwarenge obwechinguru chiamang’ana a Nyasae, ayio arenge ime yaye; aria mokoroka ng’a obororo nigo arenge ekeene, koreng’ana naria are ase Nyasae, kanga atabete akomotanga kworokia ore noboremu igoro yebibe biaino.

27. Na goika erorekane ng’a chinguru chi’Omonene goika chibe amo nere, nonya nase ogochika kwaye ase more ng’a goika moigwere. Korende rigereria, tarenge ere, korende nomoika bw’Omonene orenge ime yaye, oyio oigorete omonwa oye ase ogwatora atabete okonyara koyosieka.

28. Bono omwana one, Lamani, na Lemuel na Sam; na abana bane abwe bare abana ba Ishmael, rigereria, onye mokoigwa eriogi ria Nephi imobe abatasire. Na onye mokoigwa amang’ana aye nimbatigere ogoseseneka, nonya nogoseseneka kwane ogotang’ani.

29. Korende onye timokoigwa amang’ana aye nigo indaire ogoseseneka kwane ogotang’ani naboigo ogoseseneka kwane kobe gogotigara ase are.

30. Bono Zoramu, nigo ingokwana ase ore ng’a: Rigereria aye nomosomba o Labani; nonya kwarusetigwe korwa ense ya Yerusaremu, na namanyire ng’a nigo ore omosani bw’omwana one Nephi kare na kare.

31. Asengencho kwabeire kore omwegenwa oroiboro rwao ndosesenigwe noroiboro rwabo ng’a mbamenye ense eye ase egeka; na mochando tokoba aroro tibakoba nabobe, gose gochandeka gose kobaria oboremo bwabo kare nakare.

32. Onye mokoyarenda amachiko y’Omonene, Omonene orure ense eye ase oborendi bw’oroiboro rwao amo noroiboro rwa abana bane.