1. Erio egaika angaki bakomosasima Omonene, na kogenda amo nainche, na togakora emeremo y’echibao chigokora emeremo y’emeri. Na Omonene kanya obeire okonyorokia engaki ase engaki na engencho indanyare kobutora chibao na korosia emeri.

2. Erio Inche, Nephi, tinkoreti emeremo y’echibao buna abanto beorokereretie na tinaba inkoagacha emeri buna abanto baganeti; inkaba inkoagacha koreng’ana buna Omonene atebete na anyorogetie; ase ayio tiyarenge buna abanto baganetie.

3. Inche, Nephi, inkagenda goika ase egetunwa igoro, inkaba ingosaba aroro ase Omonene, ase ayio Omonene akang’orokia amang’ana amange.

4. Erio ekero nakora koagacha obwato, koreng’ana buna ring’ana ri’Omonene, abaminto bakarora ng’a mbuya, naboigo omoagacho oye nigo orenge omuya mono; aseigo, bakaba bakwororoba mono ase Omonene naende.

5. Erio eriogi ri’Omonene rikamochera tata, rigoteba ng’a imoka mogende ase obwato.

6. Erio mambia yaye, ekero twabangire kera egento, amatunda amange na enyama korwa ase eroro, na oboke ase obonge, amo noboremo bwaito na koreng’ana naria Omonene atochigete, erio tokagenda ase obwato. Amo nemesigo yaito yonsi amo nechimbusuro chiaito, nakera egento twabete togocha nakio, kera oyomo koreng’ana nemiaka yaye; egaika tokagenda goika ase obwato, tore na abakungu baito na abana baito.

7. Erio, tata kanya onyorire abana babere abamura ase eroro; Omonene nigo are korokwa Yakobo na omoke Joseph.

8. Erio ekero twagenda ase emeri ime, na kanya twairanire kera egento keria atochigete, togasoa roche ase enyancha embeo egatoira goika ase ense y’eira.

9. Erio ekero twairwa nembeo ase amatuko amange, rigereria abaminto na abana ba Ishmael nabakungu babo bagachaka kwegokia abanyene, naboigo bagachaka gotera na gotenga, nagokwana ase oboenenu bakeba nonya nechinguru chiabaretete goika ase barenge; bakeimokereria igoro mono ase oboenenu.

10. Inche, Nephi, inkaondoka mono na gokumia ng’a Omonene nabo arabaise kogechigwa amo naintu, nagotoita ase engencho y’ebibe biaito, na tobaise korimeria ase chindiba chienyancha; ase igo, Inche, Nephi, ingachaka gokwana nabwo ase obwororo; korende rigereria bakaba n’obororo nainche, bagoteba ng’a: Titogwancha omomura ominto omoke abe omorai ase tore.

11. Erio Lamani na Lemuel bakambwata na gonsiba, na bakaba bakongita ase obororo; nendamwamu enene, Omonene akaorokia chinguru chiaye ase ogoikerania ring’ana riaye akwanete igoro y’abanyabibe.

12. Erio ekero bansiba inkaba intari kogenda, aase arosetigwe n’Omonene, agatiga gokora emeremo.

13. Aseigo tibamanya ng’a emeri netenene, erio ritaturi rinene rikaoroka riarenge ribe mono na eriogoichania, tokairwa namache ase egeka kia amatuko atato na bagachaka koondoka mono ng’a nkogwa bare roche ase enyancha; korende tibansiria.

14. Ase rituko riakane, erio Twabeire tokoirana nyuma, omoubera okaba okomenteka mono.

15. Erio ekaba ang’e torimere ase enyancha. Na ekero twairanire nyuma ase engaki ya amatuko ane, abaminto bakamanya ng’a ekina ki’Omonene nigo kere igoro yabo, naboigo goika babe bagosira, gokonyeka goika baangame ebibe biabo; ase ayio bagacha ase inde na gonsibora amaboko ane ayio arenge ase omogongo one, na rigereria kanya abimbire mono; na ebimbong’i biane kanya biabimbire, amanene neritaturi riarenge rinene.

16. Inkarigereria ase Nyasae one na inkaba inkomotogia ase engaki, na tinaba inkwemurangania mamincha y’Omonene ng’a inarenge ase emechando.

17. Tata kanya otebire ebinto ebinge ase bare, naboigo ase abana ba Ishmael; korende rigereria bakaba bagochanda onde bwonsi ore gokwana nainche na’ abaibori bane kanya bachandekire emiaka emenge ase engencho ya abana babo, bakaretwa, nonya nase ebitanda bia abarwaire.

18. Ase engencho yobobe bwabo n’obororo, amo nebibe bia abaminto, bagaiaka ang’e koirwa na konyorana amo na Nyasae; chimbuche chiabo chikaba ang’e korara igoro ase ebuse; bakaba ang’e n’obororo bwogosoa ase embera ya amache.

19. Yakobo na Joseph boigo abarenge abake abwe baganetie koragerigwa, bakagechigwa ase engencho y’ogochandeka kwa ng’ina; naboigo omokungu one ore namariga na gosaba, naboigo abana bane, abaminto tibororoba ase chinkoro chiabo ase ogonsibora.

20. Kende ngiatotoria gotatiga chinguru chia Nyasae, echio chiabakorete bagochandeka, na kobakora abororo ase chinkoro chionsi; ase ayio ekero barora ng’a ng’ang’e bare gosoa roche bakaangama ase aria bakorete, erio bagansibora.

21. Erio ekero bansibora rigereria, inkayebwata esitaringi, na ekairana inse erio ingasaba ase Omonene; erio ekero nasaba embeo eria egatenena, na ekaba ere n’obotoereru.

22. Erio egaika engaki Inche, Nephi, inkoyeraa emeri, ekagera naende tokairana naende goika ase ense y’eira.

23. Erio ekero twagende ase egeka kia amatuko amange, tokaba togoika ase ense y’eira; na tokagenda ime ase ense, na tokaagacha eema yaito aroro na tokaoroka ense y’eira.

24. Egaika engaki togachaka korema, nagosimeka chimbusuro; tokaba togosimeka chimbusuro chionsi, chiria twarusetie ase ense ya Yerusaremu. Egaika engaki chigokina mono; aseigo tokaba togosesenigwa mono.

25. Erio ekero twanyora ense y’eira, buna twabete tokogenda ase erororo, na nigo chiarenge ching’iti chinyinge ase chinsana ao ao, chiombe nechieri, chibunda na chibarasi, amo nechimbori amo nechimbori chiorosana na chingiti chinde chionsi chiorosana, nechiabanto. Na tokanyora kera egento buna chidhahabu, na chifetha na amagena ande akorokwa kopa.