1. Rigereria, egaika engaki Omonene agakwana ase tata, ime ase chindoto, na goteba ase are ng’a: “Ogoseseneka kobe ase ore aye Lehi, ase engencho yebinto gwakorire; naende asengencho kwabeire omwegenwa na kobamanyia abanto aba ebinto biria nagochigete, rigereria bakagania koboira obogima bwao.”

2. Na egaika engaki Omonene amochigete tata, ime ase chindoto, ng’a goika abe okoimokia omochi oye na kong’anya goika eroro ime.

3. Naboigo egaika engaki abete omoigweri ase ring’ana ri’Omonene, ase igo agakora buna Omonene amochigete.

4. Na ekaba engaki abete okong’anya gochia ase eroro ime. Na agatiga enyomba yaye, na oboremo bwaye aetwe, na chithahabu chiaye na chifetha chiaye na ebinto bierigori rinene, na taira kende, gotatiga omochi oye, na endagera nechiema, nakong’anya goika ase eroro.

5. Agacha inse korwa igoro yegetunwa ase chimbebe goika ang’e nengegu yenyancha embari; akagenda ase eroro ase chimbebe chire ang’e n’enyancha embari naboigo akaba ogoetanana ase eroro amo nomochie oye, echio chiarenge echiababa, Saria, na bamura baminto abanene, abwe barenge Lamani, Lemuel, na Sam.

6. Na egaika engaki ekero abeire ogotara ase eroro ekero kia amatuko atato, akaagacha eema yaye ase rigoko ase ensemo y’oroche rwa amache.

7. Naboigo egaika engaki akaba okoagacha amatabau ya amagena, naboigo akarwa ekeng’wanso ase Omonene, na komoakera Omonene Nyasae ng’a mbuya mono.

8. Egaika engaki akaroka oroche erieta, Lamani, na rokagenda goika rokaerera enyancha embariri; na rigoko nigo riarenge ase chimbebe ang’e n’omonwa orengeo.

9. Na ekero tata aroche ng’a amache y’oroche agoeta ase chingegu chie enyancha embariri, agakwana ase Lamani, nagoteba: “O nabo ogwenerete obe buna oroche oro, rogendererete koerera ime ase chingegu chiobochenu bwonsi!”

10. Naboigo agakwana ase Lemuel: “O nabo ogwenerete obe buna rigoko eri, riteneine bokong’u na rireo, na otakonyegerigwa ase okoyarenda amachiko y’Omonene!”

11. Bono aya nigo ayakwanete ase engencho y’okobotuba obogesogono bwa Lamani na Lemuel; rigereria ekiagera babete bakwemurungania ase ebinto ebinge mamincha ya ise, ase engencho arenge omonto bw’okorora amaroro, na akabaraa goika ase ense ya Yerusaremu, na gotiga ense yabo ya boiborwa, nechitahabu, ne chifetha, na ebinto biabo bierigori rinene, gosirera ase eroro. Na aya nigo batebete ng’a nigo ayakorete ase engencho y’oboriri bwe ebirengererio bienkoro yaye.

12. Naboigo Lamani na Lemuel abwo barenge abanene bakaba bakwemurungania mamincha ya ise. Na nigo bemurunganetie asengencho batamanyete ogokora kwa Nyasae oria obatongete barobwo.

13. Nonya n’okwegena ng’a Yerusaremu omochi oria omonene, nosarigwe koreng’ana n, amang’ana ya ababani. Naboigo nigo barenge buna abayaudi baria barenge Yerusaremu, abwe barigetie kobosiria obogima bwa tata.

14. Na egaika engaki ekero tata abete ogokwana ase bare ase rigoko ria Lemuel, ore nechinguru, na oichire n’Omoika, goika ebiimo biabo bigatengechigwa ase obosio bwaye. Naboigo akabamanyia ng’a tibakong’ontete ebuse mamincha yaye; ase ayio bagakora buna abachigete.

15. Na tata nigo amenyete ime y’eema.

16. Naboigo egaika engaki, Inche, Nephi, narenge omoke mono, nonya naboigo otaraba nechisemi, chisaine, na koba nokogania okonene ase okomanya amakumia aNyasae, ase ayio, inkaba inkorera ase Omonene; na rora agantarera, na akayiororobia enkoro yane ekiagera nayegenete amang’ana onsi aria akwanetwe amo na tata; ase ayio, tinaba nkoba mamincha yaye buna bamura baminto.

17. Naboigo ingakwana ase Sam, na komomanyia ebinto Omonene abete okoorokia ase inde goetera ase Omoika oye. Na egaika engaki akwegena ase amang’ana ane.

18. Korende, rigereria, Lamani na Lemuel tibakoigwa amang’ana ane; na nigo bare n’obobe asengencho y’ogokong’ia chinkoro chiabo inkarera ase Omonene igoro yabo.

19. Egaika engaki Omonene agokwana nainche, nagoteba: ng’a osesenigwe aye Nephi, ase engencho y’okwegena kwao, ekiagera kwandigirie n’obong’aini, amo noboitongo bwenkoro.

20. Na koreng’ana buna morabe mokoyarenda amachiko ane, imobe mokobua nagokina, na imobe mokoraua goika ense y’eira; ekeene eria nabaroseirie inwe; ense ere eyogochorwa Igoro ase chinse chionsi.

21. Na ase obonge abamino mbabe mamincha yaino, na imbabe bakonachwa korwa ase obosio bw’Omonene.

22. Naboigo buna morabe mogendererete koyarenda amachiko ane, imobe mogokorwa abarai na aborokia ase abamino.

23. Na bono rora, ase rituko riria imbasarie na koba mamincha yane, nimbaragererie okoragererigwa okonene na tibakoba na nguru chinde chionsi igoro ase omosarara oino gotatiga babeire mamincha yane boigo.

24. Na onye ekoba bo ng’a nigo barabe mamincha yane, naboigo nigo barabe omochando ase abana baino, na kobang’anyia ase chinchera chiokoinyora.