1. Ekaba egoika engaki inche, Nephi, nakorire gokwana amo nabaminto, rigereria bagantebia ng’a: Nigo kware gokwana ase tore amang’ana are amakong’u, kobua buna toranyare kobogoria.

2. Erio inkabairaneria ng’a nabo namanyete ng’a nakunire amang’ana amakong’u mamincha y’abanyabibe, koreng’ana nekeene; na obuya nabeire inkoboteba, na kobokwana ng’a nario barabe bakoimokererigwa igoro ekero ki’amatuko y’omoerio; ase ayio, obobe nigo bokoira obokeene koba oboakong’u, na nigo bokobanacha goika ase egati gati.

3. Na bono abaminto, onye ndiria mwarenge abaikeranu na mokoigwa ekeene, na kogetegerera, na gotara ase obochenu ase Nyasae, kanga timwemurunganetie igoro y’ekeene, nagoteba ng’a: Nigo gwakwanete ebinto ebikong’u ase tore.

4. Egaika engaki inkaba inkobakinia ase obong’aini bwonsi abaminto, ase okoyarenda amachiko y’Omonene.

5. Erio egaika engaki bakaba abororo boka abanyene ase obosio bw’Omonene, erio nainche inkaba n’omogoko na ogosemeria okonene ase bare ng’a mbabe bagotara ase chinchera chioboikeranu.

6. Aya onsi nigo akwanetwe nagokoreka buna tata abete okomenya ase eema aria ase rigoko arogete Lemuel.

7. Egaika engaki Inche, Nephi, inkoira omoiseke oyomo o Ishmael koba omokungu; naboigo abaminto bakaira abaiseke ba Ishmael koba abakungu babo; naboigo Zoramu akaira omoiseke omonene o Ishmael koba omokungu oye.

8. Erio tata akaba ogoikerania amachiko y’Omonene aria abete okoegwa. Naboigo, Inche, Nephi, inkaba nasesenigwe mono n’Omonene.

9. Egaika ekero eriogi ri’Omonene rigokwana ase tata chinsa chia botuko, na komochika ng’a mambia abe okogenda goika ime y’eroro.

10. Erio ekero tata aimoka ase emambia, nakogenda goika ase egesieri ki’eema, ase ogokumia okonene akarigereria ase omogondo oetanaine ase echuma na nigo yarenge eroseirie efetha engiya naiga chinsonga nchiarenge aroro ibere; eyemo nigo yarigereretie enchera y’okogenda goika eroro.

11. Erio tokaba amo na kera egento togwenerete kobogoria goika eroro, na nebinyorio bionsi Omonene atoete; na tokabogoria kera embusuro na kobogoria goika ase eroro.

12. Egaika engaki tokabogoria eema yaito na kong’anya gochia eroro, kobutokania oroche rokorokwa Lamani.

13. Erio tokagenda orogendo ase amatuko ane, na mocha ya sugusu, na tokaagacha eema naende; na tokaroka aase aria Shazer.

14. Erio tokaba tokoira amato aito n’enchisara chiaito, na kogenda kobutora endagera ase emechie yaito; na ekero twabutoire chindagera ase emechi yaito tokairana na goika ase emechi yaito ime ase eroro, ase aase a Shazer. Naboigo tokagenda naende ase eroro, ase okobwatia ensemo eria eria, ere n’obotobu obonge ase eroro, eyio yarenge ang’e n’orobebe ase enyancha embariri.

15. Ekaba engaki tokogenda ase egeka ime ya amatuko amange, tokogesa endagera ase chinchera, amo na amato aito na chinsara chiaito na amagena aito na chinduruche chiaito.

16. Naboigo tokaba tokogenda ase ensemo ya amaoromomo, eyio yatoretete goika aase atobu mono ime ase eroro.

17. Erio ekero twakora orogendo orwe rwa amatuko amange, tokaagacha eema yaito aase gete ase engaki enke, ase ogotimoka na konyora endagera ase emechi yaito.

18. Erio egaika engaki inche, Nephi inkagenda korigia endagera, rigereria inkaba inkobuna obota bwane, obwe bwarosetigwe nechuma engiya; erio ekero nabuna obota obwe bwane rigereria abaminto bakaba n’obororo nainche ekiagera nabosaretie obota bwane, aseigo titwanyora indagera.

19. Erio ekero twairana totari na ndagera ase emechi yaito, na kanya twaroire asengencho y’orogendo, bakaba bagochandeka mono ase okogania endagera.

20. Erio Lamani na Lemuel na abana ba Ishmael bagachaka kwemurungania mono, ase engencho y’ogochandeka na oboakong’u ime ase eroro; naboigo tata nere agachaka kwemurungania mamincha y’Omonene Nyasae oye; na bonsi bakaba bare nobororo obonene mono, obwe bwagerete bakemurungania ase Nyasae.

21. Egaika engaki inche, Nephi, narenge ing’irire bobe asengencho nabunete obota bwane, naboigo amata abo kanya asiririe chingori chiabo, egachaka koba noboakong’u mono, totari konyora ndagera.

22. Erio egaika engaki Inche, Nephi, ngokwana amange ase abaminto, ekiagera bakong’etie chinkoro chiabo naende, goika ekagera bakamwemurunganeria Omonene Nyasae obo.

23. Egaika engaki inche, Nephi, inkorosia obota obuya nebite buna chinsara, aseigo, inkaba inkobogaria inche bweka obota nensara, amo nenduruche na amagena. Naboigo ingakwana ase tata ng’a: Inkogenda inde korigia endagera?

24. Erio akamboria Omonene, ekiagera kanya bororobire boka abanyene asengencho ya amang’ana ane; inkaba ingokwana amang’ana amange ase bare ase chinguru chienkoro yane.

25. Egaika engaki eriogi ri’Omonene rikamochera tata; ekeene akaba ogosusurwa ase engencho y’okwemurungania mamincha y’Omonene, erio goika agacha nise ore nobororo.

26. Erio egaika engaki eriogi ri’Omonene rigacha ase are nakomotebia ng’a: Rigereria aase aria na rora ebinto birikire aroro.

27. Erio egaika engaki ekero tata arorire ebinto biarikire aase aria, akaba okoondoka na gotengechigwa mono, naboigo abaminto na abana ba Ishmael naboigo abakungu baito.

28. Egaika engaki Inche, Nephi, inkorora chinsonga echio chiarenge ase omobira oria, ng’a nigo chiare gokora emeremo koreng’ana n’okwegena obong’aini na okorenda koria twabarendete barobwo.

29. Naboigo narikire amariko amayia ase amaya agosomeka ayio atoete okomanya igoro y’Omonene, na akarikwa na goonchorwa ekero ase ekero, koreng’ana n’okwegena na obong’aini obwe twabete tokorwa ase are. Naende tokarora chinamba chinke Omonene aranyare koreta ebinto ebinene.

30. Erio egaika engaki inche, Nephi, inkogenda goika ase egetunwa igoro, koreng’ana noborai boria bwarwetwe igoro ase omopira oria.

31. Egaika engaki ingoita ching’iti chiorosana, erinde inyare konyora endagera ase omochie one.

32. Erio egaika engaki inkairana inka ase chiema chiaito, imbogoretie ching’iti chiria nabete ingoita; na ekero barora ng’a nanyorire endagera, inee inaki babete bare n’omogoko omonene! Erio bakaba bakwororoba boka abanyene ase Omonene, na komoakera ng’a mbuya mono.

33. Erio egaika engaki tokogenda naende, tokagenda buna ekero kieritang’ani; na ekero twagenda ase egeka ase orogendo rwa amatuko amange tokaba tokoagacha eema yaito naende, ase okoberera aroro ase engaki enke.

34. Egaika engaki Ishmael agokwa, na agatindekwa ime aase akorokwa Nahomu.

35. Erio abaiseke ba Ishmael bakaba bakorera mono ase engencho y’ogosirerwa na ise, na ase engencho y’oboakong’u ime ase eroro; na bakaba bakwemurungania ase tata ase engencho abarusetie ase ense ya Yerusaremu, ase ogoteba ng’a: Tata okure; na tokaba togochandeka ase eroro, na korora oboakong’u na obororo obonene, nakorea, na ekero emechando eye ekoera tonyare gosira nenchara.

36. Naigo bakagenderera kwemurungania mamincha ya tata, naboigo inche; bakaba n’okogania koirana Yerusaremu.

37. Na Lamani agatebia Lemuel naboigo ase abana ba Ishmael: Rigereria, tiga tomoite tata, naboigo oyominto Nephi, oyo bwekorire koba omorai oito na omworokia oito, aba intwe tore bamura bamwabo abanene.

38. Bono, nigo agoteba ng’a Omonene okwanire amo nere, naboigo ng’a amaraika nabete agokwana ase are. Korende rigereria, nigo tomanyete ng’a nigo agokwana oborimo ase tore; na nigo agototebia ebinto ebi ase tore, na gokora amange ase obong’aini bwaye, ase okong’aina amaiso aito, ebirengererio biaito, ng’a nario aratorae ase chinchera chie eroro; na ekero abeire ogotoira are, na korengereria kwebeka bweka koba omorwoti na omorai ase tore koreng’ana buna okobua kwaye. Nyuma ekero aya aerire oyominto Lamani akaberorokia enkoro yaye ase obororo.

39. Erio egaika engaki Omonene are amo naintwe, naboigo nonya n’Omoika bw’Omonene okoba ogokwana amang’ana amange ase bare, na kobasusura mono mono; na ekero basusuretwe n’eriogi ri’Omonene bakaba bakooirana inse korwa ase obororo bwabo, na koangama ebibe biabo, erio naende Omonene akaba ogotosesenia amo nendagera, erinde titosira.