1. Ekero twaika ase eroro ase tata, rigereria, agaichorwa nomogoko, nababa boigo Saria, akaba n’omochengo omonene, ekiagera ekeene kanya orerire igoro yaito.

2. Ekiagera nigo aganetie ing’a nonya kanga twasirerete eroro ime; na kanya obeire okwemurunganeria tata, nakomotebia ng’a nigo arenge omonto bwa obororo; nagoteba ng’a: Rigereria gwatoretire korwa ase ense yaito, na bana bane tibaiyo naende na gosirera eroro.

3. Ekero amang’ana aya aerire y’omonwa oye obana are kwemurungania mamincha ya tata.

4. Erio egaika engaki tata agakwa ase aria, nagoteba ng’a: Nigo imanyete ng’a nigo inde omonto bw’obororo, onye intabiroche ebinto bia Nyasae ase obororo kanga tinamanyete obuya bwa Nyasae, korende kanga nao namenyete Yerusaremu nagosira n’abaminto aroro.

5. Korende bono rigereria nayenyorire ense y’eira, ase ebinto inkwegokia nabio; na namanyire ng’a Omonene nabakonye abana bane korwa ase amaboko a Labani, na kobareta naende igaa ase tore ime y’eroro.

6. Ekero amang’ana aya aera y’okoremia tata, Lehi, arenge koremia baba, Saria, igoro yaito, erio intwe n’orogendo tore ime y’eroro kogenda ase ense ya Yerusaremu; konyora amang’ana oria ya abayaudi.

7. Na ekero twairana goika ase eema ya tata, rigereria omogoko obo nigo oichire, na baba akaba okorema ase enkoro yaye.

8. Na agakwana ogoteba: Namanyire ekeene keria Omonene abete ogoteba ase omosacha one ase ogotama goika ase eroro; nainche namanyire ekeene ng’a Omonene nabarendete abana bane, nakobarusia ase amaboko a Labani, na kobaa chinguru echio chiagerete bagaikerania ebinto Omonene abachigete. Na ekero akwanire amang’ana y’omonwa oyo.

9. Egaika engaki bakogoka mono, na bakarwa ekeng’wanso ase Omonene; na komoakera ng’a mbuya mono Nyasae o Israel.

10. Ekero bamoakeire ng’a mbuya mono Nyasae o Israel, tata Lehi, akayabogoria amang’ana aria arikire igoro ase chibao chiefetha, na koyarigereria korwa omochakano goika omoerio.

11. Na akarora ng’a nigo chibwate ebitabu bitano bia Musa, ebio bigoteba igoro y’ogotongwa gwense, naboigo Adam na Awa, abwe barenge abaibori baito beritang’ani.

12. Naboigo amang’ana igoro ya Abayaudi korwa omochakano, nonya nkorwa ekero kia amatuko y’obogambi bw’omoruoti Zedekia, omorwoti o Juda;

13. Naboigo obobani bwa ababani abachenu, korwa omochakano, nonya ngoika ekekero kia amatuko y’okogamba kw’o omorwoti Zedekia; naboigo obobani obonge obwe bwabete bogokwanwa n’omonwa o Jeremia.

14. Egaika engaki tata Lehi, boigo akanyora igoro ase amariko aria arenge ase chibao chiria chiefetha omoroberio bw’ororeria rwa abaise; erio kegima akamanya ng’a nigo ere arenge oyobwegesaku gia Joseph; Joseph oria o Yakobo, na orendetwe namaboko y’Omonene, na oonetigwe gochia Misiri, erinde anyare korenda ise, Yakobo, amo nabanto bonsi benyomba yaye korwa oboakong’u bw’enchara.

15. Naboigo bakarusigwa ase obosomba korwa ense ya Misiri, na Nyasae oria oria obarendete.

16. Erio tata, Lehi, akaba okomanya omoroberio bw’ororeria rwa abaise. Na Labani boigo nigo arenge oyobwegesaku kia Joseph, aseigo ere amo naise nigo babete bakogacha amang’ana abo.

17. Na erio ekero tata arora aya onsi, akaba ogoichorwa n’Omoika na gochaka kobana koreng’ana n’oroiboro rwaye.

18. Ng’a chibao echi chiefetha chibe chikogenda ase kera ense ase chinse chionsi, ase ebisaku, emenwa ao ao naboigo abanto baye.

19. Ase ayio, agateba ng’a chibao echi chiefetha tichikonyara gosira; gose kwebisa ase kero kende gionsi. Naboigo akabana amang’ana amange igoro y’oroiboro rwaye.

20. Na egaika engaki Inche na tata twayarendire amachiko aria Omonene abete ogotochika.

21. Na tokaba twanyorire amang’ana aria Omonene atochigete, na tokayasoma na tokanyora ng’a nigo are ayengencho mono; na are ayogokonya ase tore, naboigo koyarenda goika ekero kia abana baito.

22. Ase ayio, nigo chiarenge chisemi ase Omonene ng’a tobe tokobogoria amariko aya na koyaira, buna torabe tore n’orogendo ase eroro kogenda ase ense y’eira.