ʻEta

Ngaahi Folofolá

Tohi ʻa Molomoná

Ngaahi Fakahokohokó
Talateú mo e Kau Fakamoʻoní
1 Nīfai
2 Nīfai
Sēkope
ʻĪnosi
Seilomi
ʻAmenai
Ngaahi Lea ʻa Molomona
Mōsaia
ʻAlamā
Hilamani
3 Nīfai
4 Nīfai
Molomona
ʻEta
Molonai

ʻEta

Vahe 1
ʻOku fakanounouʻi ʻe Molonai ʻa e ngaahi tohi ʻa ʻEtá—ʻOku fakahā mai ʻa e tohi hohoko ʻa ʻEtá—ʻOku ʻikai veuveuki ʻa e lea ʻa e kau Sēletí ʻi he Taua ʻo Pēpelí—ʻOku talaʻofa ʻe he ʻEikí te ne tataki kinautolu ki ha fonua lelei pea ngaohi kinautolu ke nau hoko ko ha puleʻanga lahi.
Vahe 2
ʻOku teuteu ʻa e kau Sēletí ki heʻenau fononga ki ha fonua ʻo e talaʻofá—Ko ha fonua mahuʻinga ia ʻa ia kuo pau ʻe tauhi ai ʻa e kakaí kia Kalaisi pe ʻe tafiʻi atu ʻa kinautolu—ʻOku folofola mai ʻa e ʻEikí ki he tokoua ʻo Sēletí ʻi ha houa ʻe tolu—ʻOku foʻu ʻe he kau Sēletí ha ngaahi vaka lafalafa—ʻOku folofola mai ʻa e ʻEikí ki he tokoua ʻo Sēletí ʻo fehuʻi kiate ia ke ne fokotuʻu ange ha founga ʻa ia ʻe fakamāmaʻi ai ʻa e ngaahi vaka lafalafá.
Vahe 3
ʻOku mamata ʻa e tokoua ʻo Sēletí ki he louhiʻi toʻukupu ʻo e ʻEikí ʻi Heʻene ala ki he ngaahi foʻi maka ʻe hongofulu mā onó—ʻOku fakahā ʻe Kalaisi ʻa Hono sino fakalaumālié ki he tokoua ʻo Sēletí—Ko kinautolu ʻoku nau maʻu ha ʻilo haohaoá ʻe ʻikai ke taʻofi kinautolu ʻe he veilí—ʻOku foaki mai ha ngaahi meʻa liliu lea ke ʻomi ai ʻa e ngaahi lekooti ʻa e kau Sēletí ki he māmá.
Vahe 4
ʻOku fekau kia Molonai ke ne fakamaʻu ʻa e ngaahi meʻa naʻe tohi ʻe he tokoua ʻo Sēletí—ʻE ʻikai fakahā mai ia kae ʻoua kuo maʻu ʻe he kakai kotoa pē ha tui mālohi tatau mo e tokoua ʻo Sēletí—ʻOku fekau ʻe Kalaisi ki he kakai kotoa pē ke nau tui ki Heʻene ngaahi leá mo ʻEne kau ākongá—ʻOku fekau ki he kakaí ke nau fakatomala, tui ki he ongoongoleleí, pea moʻui.
Vahe 5
ʻE tuʻu ha kau fakamoʻoni ʻe toko tolu mo e ngāué ni ko ha fakamoʻoni ki hono moʻoni ʻo e Tohi ʻa Molomoná.
Vahe 6
ʻOku ʻave ʻa e ngaahi vaka lafalafa ʻo e kau Sēletí ʻe he matangí ki he fonua ʻo e talaʻofá—ʻOku fakafetaʻi ʻa e kakaí ki he ʻEikí koeʻuhi ko ʻEne angaleleí—ʻOku fili ʻa ʻOlaihā ko e tuʻi kiate kinautolu—ʻOku pekia ʻa Sēleti mo hono tokouá.
Vahe 7
ʻOku pule ʻa ʻOlaihā ʻi he māʻoniʻoni—Kae lolotonga ʻa e ngaahi feinga taʻe-fakalao mo e fekeʻikeʻí, ʻoku fokotuʻu ai ʻa e ongo puleʻanga fakafepaki ʻo Sule mo Kohoá—ʻOku valokiʻi ʻe he kau palōfitá ʻa e fai angahalá mo e tauhi tamapua ʻa e kakaí, pea naʻa nau fakatomala.
Vahe 8
ʻOku ʻi ai ha fekeʻikeʻi mo e fakakikihi ʻi he puleʻangá—ʻOku fokotuʻu ʻe ʻEikisi ha kautaha fufū ʻa ia ʻoku nau haʻisia ʻi he fuakava ke nau fakapoongi ʻa e tuʻí—ʻOku mei he tēvoló ʻa e ngaahi kautaha fufuú pea ʻoku tupu ai hono fakaʻauha ʻo e ngaahi puleʻangá—ʻOku fakatokanga ki he kau Senitaile ʻo e onopōní ʻo kau ki he kautaha fufū ʻe feinga ke ikunaʻi ʻa e tauʻatāina ʻa e ngaahi fonua, ngaahi kakai, mo e ngaahi fonua kotoa pē.
Vahe 9
ʻOku tuku ʻa e pule ki he puleʻangá mei he tokotaha ki he tokotaha ʻi he hako, filioʻi kākā, mo e fakapō—ʻOku mamata ʻa ʻOmea ki he ʻAlo ʻo e Māʻoniʻoní—ʻOku kalanga ʻaki ʻe ha kau palōfita tokolahi ʻa e fakatomalá—ʻOku hanga ʻe ha honge mo e fanga ngata kona ʻo fakamamahiʻi ʻa e kakaí.
Vahe 10
ʻOku fetongi ʻa e tuʻi ʻe ha tuʻi—ʻOku māʻoniʻoni ha ngaahi tuʻi ʻe niʻihi; kae fai angahala ʻa e niʻihi—Ko e taimi ʻoku ikuna ai ʻa e māʻoniʻoni, ʻoku tāpuekina pea ngaohi ke tuʻumālie ʻa e kakaí ʻe he ʻEikí.
Vahe 11
ʻOku puleʻi ʻe he ngaahi taú, ngaahi angatuʻú, mo e fai angahalá ʻa e moʻui ʻa e kau Sēletí—ʻOku kikiteʻi ʻe he kau palōfitá hono fakaʻauha ke ʻosiʻosingamālie ʻa e kau Sēletí ʻo kapau ʻe ʻikai te nau fakatomala—ʻOku ʻikai tali ʻe he kakaí ʻa e ngaahi lea ʻa e kau palōfitá.
Vahe 12
ʻOku naʻinaʻi ʻa e palōfita ko ʻEtá ki he kakaí ke nau tui ki he ʻOtuá—ʻOku fakamatala ʻa Molonai ki he ngaahi meʻa fakaʻofoʻofa mo e ngaahi meʻa fakaofo kuo fai ʻi he tuí—Naʻe hanga ʻe he tuí ʻo ngaohi ʻa e tokoua ʻo Sēletí ke mamata kia Kalaisi—ʻOku foaki ʻe he ʻEikí ki he tangatá ʻa e vaivaí koeʻuhí ke nau loto-fakatōkilalo ai—Naʻe hiki ʻe he tokoua ʻo Sēletí ʻa e Moʻunga Seiliní ʻi he tui—ʻOku mahuʻinga ʻa e tuí, ʻamanaki leleí, mo e manavaʻofá ki he fakamoʻuí—Naʻe mamata ʻa Molonai ki he fofonga ʻo Sīsuú ko e mata ki he mata.
Vahe 13
ʻOku lea ʻa ʻEta ʻo kau ki ha Selusalema Foʻou ʻe langa hake ʻi ʻAmelika ʻe he hako ʻo Siosefá—ʻOkú ne kikite, pea ʻoku kapusi ia ki tuʻa, ʻokú ne tohi ʻa e hisitōlia ʻo e kau Sēletí, pea kikiteʻi hono fakaʻauha ʻo e kau Sēletí—ʻOku mafola ʻa e taú ʻi hono kotoa ʻo e fonuá.
Vahe 14
Naʻe hanga ʻe he angahala ʻa e kakaí ʻo ʻomi ha fakamalaʻia ki he fonuá—Naʻe tau ʻa Kolianitomuli mo Kiliati, pea hoko kia Lipi, pea toki hoko kia Sise—Naʻe ʻufiʻufi ʻe he totó mo e tāmaté ʻa e fonuá.
Vahe 15
ʻOku mate ha lau miliona ʻo e kau Sēletí ʻi he tau—ʻOku hanga ʻe Sise mo Kolianitomuli ʻo tānaki mai hono kotoa ʻo e kakaí ki he tau ki he ʻauha—ʻOku taʻofi ʻe he Laumālie ʻo e ʻEikí ʻene fāinga mo kinautolú—ʻOku fakaʻauha ʻo ʻosiʻosingamālie ʻa e puleʻanga ʻo e kau Sēletí—Ko Kolianitomuli pē naʻe toé.