Ri Vuj richin ri Elaman

1 Xcʼulvachitej cʼa chupan ri junaʼ jumuchʼ vakiʼ, chi ri Nefiʼiʼ cʼa xquibanalaʼ na ri itzel, y can janíla vi nem ri etzelal riʼ. Jacʼa ri Lamaniʼ can xequitakelaʼ vi chi utzil ri rupixaʼ ri Dios, achiʼel cʼa nubij ri rupixaʼ ri Moisés.

2 Xcʼulvachitej cʼa chi chupan ri junaʼ riʼ, ri Samuel, jun aj Lamaniʼ, xpe pa ruvachʼulef Zarajemla, y xuchop lokʼolej tzijonic chique ri vinakiʼ. Xcʼulvachitej cʼa chi qʼuiy kʼij rijaʼ xutzijoj ri tzolibel cʼuʼx chique ri vinakiʼ, y rijeʼ can xquelesaj vi el. Ja cariʼ tok xa jubaʼ chic man xtzolin pa ri ruvachʼulef richin rijaʼ.

3 Man riqʼuin vi riʼ, ri ruchʼabel ri Ajaf xpe riqʼuin, y xubij chire chi titzolin cʼa chic, y tuyaʼ lokʼolej rutzijol chique ri vinakiʼ ronojel cʼa ri xtipe pa ránima.

4 Xcʼulvachitej cʼa chi rijeʼ man xquiyaʼ ta kʼij richin xoc rijaʼ chupan ri tinamit. Roma cʼariʼ, rijaʼ xbe akʼanij y xpaʼeʼ pa ruviʼ ri rutzʼak ri tinamit. Cʼa cʼariʼ, xuyuk el ri rukʼaʼ y can xchoʼ vi riqʼuin cof ruchʼabel, y xuyaʼ lokʼolej rutzijol chique ri vinakiʼ chirij ronojel ri xuyaʼ pe ri Ajaf pa ránima.

5 Quereʼ cʼa xubij rijaʼ chique rijeʼ: Vaveʼ cʼa, yin Samuel in jun aj Lamaniʼ. Can yenbij vi ri ruchʼabel ri yeruyaʼ ri Ajaf pa vánima. Can kitzij vi chi rijaʼ rubin cʼa pa vánima chi tinbij cʼa chive chi ri rutzaqʼuibal ri rukʼatoj tzij jequel chic pa quiviʼ re vinakul reʼ. Man xquekʼax ta cʼa el jukʼo junaʼ, xa cʼa nabey ri rutzaqʼuibal rukʼatoj tzij can xtikaka vi ka pa quiviʼ.

6 Kitzij chi jun cʼayevilej vululen royoben re vinakiʼ reʼ, y can xtipe vi ka chique re vinakiʼ re. Manjun nitiquir yerucol re vinakiʼ reʼ, can xaxe vi cʼa ri tzolibel cʼuʼx y ri cukubabel cʼuʼx riqʼuin ri Ajaf Jesucristo. Rijaʼ can xtipe vi chuvachʼulef, y xtutij qʼuiy pokonal y xticom cʼa coma ri ruvinak.

7 Can kitzij vi cʼa chi jun rutakonaxel ri Ajaf rukʼalajirisan re chʼabel reʼ chinuvech, y xuqʼuen pe jebel tak rutzijol chire ri vánima. Vaveʼ cʼa, xitak pe iviqʼuin richin xinkʼalajirisaj ta chivech rix chukaʼ, richin queriʼ xicʼul ta cʼa ri jebel rutzijol. Jacʼa rix man xinicʼul ta yin.

8 Roma cʼariʼ, quereʼ nubij ri Ajaf: Can cof vi ri cánima ri vinakiʼ Nefiʼiʼ. Roma cʼariʼ, vi man nitzolin ta pe quicʼuʼx, yin xtinmej pe ri nuchʼabel quiqʼuin rijeʼ, y xtinvelesaj pe ri Vuxlabal chiquicojol. Man xquencochʼ ta cʼa chic y xquenkʼijuj ka ri cánima ri cachʼalal chiquij rijeʼ.

9 Man xquekʼax ta el jukʼo junaʼ tok xtinben chi can xquesocotej vi. Kitzij cʼa, chi xquensoc riqʼuin ri tzaqʼuibel, ri vayijal, y ri cʼayef tak yabil.

10 Kitzij cʼa chi xquipe quiqʼuin rijeʼ riqʼuin ri cʼayevilej voyoval. Jujun chique ri ivetzelanelaʼ pa ri rucaj iyaj mamaj ijaʼtzul xtiquitzʼet ri jumul ivulatajic. Can jic vi chi queriʼ xticʼulvachitej vi man nitzolin ta pe icʼuʼx, nichaʼ ri Ajaf. Ri e cʼo cʼa pa ri rucaj iyaj mamaj ijaʼtzul xtiquiben cʼa chive chi xquixvulatej.

11 Vi xa xtitzolin cʼa pe icʼuʼx y xquixjel pe chic riqʼuin ri Ajaf i Dios, yin xtinvelesaj el ri voyoval iviqʼuin, nichʼa ri Ajaf. Jaʼ, quereʼ cʼa nubij ri Ajaf: Nim ruva quikʼij ri nitzolin pe quicʼuʼx y yejel pe viqʼuin. Xa joʼcʼa oc ruvech ri man nitzolin ta pe rucʼuʼx.

12 Kitzij cʼa, joʼoc ruvech re nimalej tinamit reʼ Zarajemla. Roma can kitzij vi chi xaxe coma ri e choj, cʼa colotajinek na. Joʼoc ruvech re nimalej tinamit reʼ, roma yin ninnaʼ, nichaʼ ri Ajaf, chi e qʼuiy chupan re tinamit reʼ xtiquicovirisaj ri cánima chuvij yin. Jaʼ can e janíla vi chique rijeʼ ri queriʼ xtiquiben, nichaʼ ri Ajaf.

13 Jacʼa nim ruva quikʼij ri nitzolin pe quicʼuʼx roma can xquencol vi rijeʼ. Can kitzij vi chi vi ta man coma cʼa ri e choj ri e cʼo chupan re nimalej tinamit reʼ, vaveʼ cʼa, xtinben ta chi jun kʼakʼ xtikaʼ pe chicaj, y xtuporoj.

14 Can kitzij vi chi xaxe coma ri e choj tok colotajinek cʼa re tinamit reʼ. Man riqʼuin vi cʼariʼ, petenek ri kʼij tok xqueʼivelesaj el ri e choj iviqʼuin, nichaʼ ri Ajaf. Ja cʼariʼ tok ix chʼakʼirinek chic richin ri vulatajic. Kitzij cʼa chi joʼoc ruvech re nimalej tinamit reʼ coma ri itzel banobel y ri etzelal ri e cʼo chupan.

15 Jaʼ, y joʼoc ruvech ri tinamit Gideon coma ri etzelal y ri itzel tak banobel ri e cʼo chupan.

16 Jaʼ, y joʼoc quivech conojel ri tinamit ri cʼo chupan re ruvachʼulef reʼ acuchi e cʼo vi ri Nefiʼi coma ri etzelal y ri itzel tak quibanobal ri e cʼo chupan.

17 Can kitzij vi chi jun etzelanic xtipe ka chirij re ruvachʼulef reʼ, nichaʼ ri Ajaf quichin ri e Janíla. Jariʼ xa coma cʼa ri vinakiʼ ri e cʼo vaveʼ, jaʼ, y roma ri quetzelal y ri itzel tak quibanobal.

18 Nubij ri Ajaf quichin ri e Janíla, jaʼ, ri nimalej y kitzij ka Dios, chi xticʼulvachitej cʼa, chi achique xtevan can quichin ri tak rubeyomal chupan ri ulef, man xqueril ta chic. Jariʼ roma ri nimalej etzelanic ri cʼo chuvachʼulef. Xqueril cʼa xaxe cʼa vi rijaʼ jun chojmilej vinek, y xa vi xtrevaj cʼa riqʼuin ri Ajaf.

19 Roma yin ninvajoʼ, nichaʼ ri Ajaf, chi rijeʼ yequevaj ta can viqʼuin yin ri quibeyomal. Can xqueʼetzelex vi cʼa ri man xqueʼevan ta ri quibeyomal viqʼuin. Roma can manek vi chʼakaʼ chic ri xtiquevaj ta can ri quibeyomal viqʼuin yin, xaxe cʼa ri e choj. Ri man yerevaj ta cʼa ri rubeyomal viqʼuin yin, can netzelex vi y chukaʼ ri rubeyomal. Y can man vi jun xtril cʼa chic roma ri etzelanic ri cʼo pa ruviʼ re ruvachʼulef reʼ.

20 Xtapon cʼa ri kʼij tok xtiquevaj ri quibeyomal, roma quijiquiban ri cánima riqʼuin ri beyomel. Yin xtinvevaj ri quibeyomal tok xqueʼanimej chiquivech ti quetzelanelaʼ, xa roma quijiquiban cʼa chic ri cánima riqʼuin ri quibeyomal. Can xqueʼetzelex vi rijeʼ y chukaʼ ri quibeyomal roma man xtiquevaj ta viqʼuin yin, y chupan ri kʼij riʼ, xquesocotej, nichaʼ ri Ajaf.

21 Titzuʼ cʼa pe rix, ri ix ruvinakul re nimalej tinamit reʼ, y queʼivacʼaxaj ri nuchʼabel. Queʼivacʼaxaj cʼa ri chʼabel ri yerubij pe ri Ajaf. Roma can Kitzij vi nubij rijaʼ chi rix ix etzelan roma ri ibeyomal. Chukaʼ nubij chi ri ibeyomal etzelan roma can ijiquiban vi ri ivánima riqʼuin, y man e ivacʼaxan ta ri ruchʼabel ri yoyon richin chive.

22 Man nokaʼ ta chiʼicʼuʼx ri Ajaf i Dios, ni ta chukaʼ ronojel ri ruyaʼon chive. Junelic nokaʼ cʼa chiʼicʼuʼx ri ibeyomal, y man nimatioxij ta chire ri Ajaf i Dios roma ri beyomel riʼ. Kitzij cʼa chi ri ivánima man nijel ta riqʼuin ri Ajaf. Xa nisipojirisaj iviʼ riqʼuin nimirinen, y yixbananen, y yixetzelan, y yixokotan, y yixcamisan, y nibanalaʼ conojel ruvech etzelal.

23 Roma cʼariʼ, ri Dios rubanon chi xtipe jun nimalej etzelanic pa ruviʼ re ruvachʼulef, y chulkaʼ pa quiviʼ ri ibeyomal. Ronojel reʼ xtipe, xa roma ri itzel ibanalon.

24 Jaʼ, joʼoc ruvech re vinakul reʼ. Roma cʼa apovinek chic ri kʼij tok yeʼivelesaj el iviqʼuin ri e yaʼol lokʼolej rutzijol, y yeʼitziʼej, yeʼiqʼuek che abej, yeʼicamisaj y nibanalaʼ ronojel ruvech etzelal chique, achiʼel xquibanalaʼ cʼa ri vinakiʼ ojer.

25 Vacami tok yixtzijon, xa quereʼ nibij: Vi ta xojcʼaseʼ pa ri kʼij tok xecʼaseʼ ri ojer tak katiʼt kamamaʼ, man ta xekacamisaj cʼa ri e yaʼol lokʼolej rutzijol. Chukaʼ man ta xekaqʼuek che abej y man ta xekelesaj el.

26 Can kitzij vi chi rix ix itzel chiquivech rijeʼ. Can jic vi qʼues ri Ajaf. Que cʼa chukaʼ riʼ can jic vi chi vi jun yaʼol lokʼolej rutzijol napon chiʼicojol y nukʼalajirisaj chivech ri ruchʼabel ri Ajaf ri yerujiquibaʼ ri imac y ri itzel tak ibanobal, jariʼ tok can yixoyover vi riqʼuin y nicanoj conojel ruvech baniquil richin niyoj rijaʼ. Jaʼ, nibij chi rijaʼ jun yaʼol lokʼolej rutzijol man kitzij ta, y chi xa jun aj mac, y can richin vi ri itzel vinek roma rijaʼ nujiquibaʼ chi nibanalaʼ ri itzel.

27 Vaveʼcʼa, riqʼuin jubaʼ, jun achin napon chiʼicojol y quereʼ nubij chive: Tibanaʼ reʼ, xa manek ri retzelal. Tibanaʼ laʼ, xa man xtivil ta pokonal. Jaʼ, riqʼuin jubaʼ quereʼ chic xtubij chive: Tibanalaʼ cʼa achiʼel ri nimirisanen richin ri ivánima. Tibanalaʼ achiʼel ri nimirisanen ri nurayij ri runakʼ ivech. Tibanaʼ cʼa xabachique ri nurayij ri ivánima. Vi jun achin xtapon chiʼicojol y quereʼ ta xtubij chive, jariʼ tok can xticʼul vi ta, y xtibij ta chi ja rijaʼ jun yaʼol lokʼolej rutzijol.

28 Kitzij cʼa chi xtinimirisaj rijaʼ y xtiyaʼ chire jubaʼ ri cʼo iviqʼuin. Xtiyaʼ chire jubaʼ ri ikʼana puak, y ri isaka puak, y xtivik rijaʼ riqʼuin tziek can jotol vi rajel. Rijaʼ xquerubilaʼ kʼoloj tak tzij chive y nubij chi ronojel xa can utz vi. Ja romariʼ tok rix man xtivil ta manjun ri rumac.

29 Rix ix iyaj mamaj ijaʼtzul ix itzel y ix tzʼil. Rix ix covirisan, y can icovirisan vi ri ivánima. ¿Jampeʼ cami chic kʼij ninojij rix chi ri Ajaf cʼa xquixrucochʼ na? ¿Jampeʼ cʼa chic kʼij xtiyaʼ kʼij chi yixyukex coma nacanuc y moy tak yukenelaʼ? Jampeʼ cʼa chic kʼij janíla xtivajoʼ ri kʼekuʼm chuvech ri sakil?

30 Can kitzij vi cʼa chi ri royoval ri Ajaf can nicʼat vi chic chivij rix. Vaveʼ cʼa, rijaʼ retzelan chic ri ruvachʼulef roma ri itzel ibanobal.

31 Can kitzij vi cʼa chi xtokaʼ ri kʼij tok xqueretzelaj ri ibeyomal, richin xqueʼoc janíla likʼ, richin queriʼ man xquixtiquir ta chic xqueʼichop. Cʼa cʼariʼ, chupan ri kʼij tok ix mebaʼi chic, can man xquixtiquir ta chic xquixcʼojeʼ can quiqʼuin ri ibeyomal.

32 Chupan cʼa ri kʼij richin ri imebaʼil, xquixsiqʼuin akʼanij chire ri Ajaf. Man riqʼuin vi riʼ, xa manek chic xtuben ri siqʼuinic. Roma ix malin can, y ri ivulatajic can jiquiban vi chic chivij. Jariʼ tok xquixokʼ, y xquixvuyin chupan ri kʼij riʼ, nichaʼ ri Ajaf quichin ri e Janíla. Cʼa cʼariʼ, xquixokʼ y quereʼ xtibij:

33 Ja ta cʼa xtzolin ta pe nucʼuʼx y man ta xencamisaj ri e yaʼol lokʼolej rutzijol, y man ta xenqʼuek che abej, y man ta xenvelesaj el. Jaʼ, chupan ri kʼij riʼ, quereʼ xtibij: Ja ta cʼa xkanataj ta ri Ajaf ka Dios pa ri kʼij tok xeruyaʼ chike ri kabeyomal. Que ta cʼariʼ, man ta xeʼoc likʼ richin man ta xekasech can. Roma can kitzij vi, chi ri kabeyomal manek chic kiqʼuin.

34 Can kitzij vi cʼa, chi nikayaʼ can vaveʼ jun samajibel, y pa rucaʼn kʼij man chic nikil ta. Y can kitzij vi chi ri katzaqʼuibal e elesan chic chikavech chupan ri kʼij tok nikajoʼ yekacusaj pa ri camisanel oyoval.

35 Kitzij cʼa chi kevan can ri kabeyomal. Ja cʼariʼ xa xeʼanimej chikavech roma ri etzelanic pa ruviʼ re ruvachʼulef.

36 Ja ta cʼa xtzolin ta pe kacʼuʼx pa ri kʼij tok xokaʼ pe ri ruchʼabel ri Dios kiqʼuin. Roma can kitzij vi chi re ruvachʼulef can etzelan vi, y ronojel xa likʼ chic quibanon, y man yojtiquir ta chic yekachop.

37 Can kitzij vi chi roj oj sutin kij coma aj tzayiʼ. Kitzij cʼa chi sutin kij coma ri takonaxelaʼ richin ri rutijon rukʼij richin ri rutijon rukʼij richin yeruvulaj ri kacʼaslemal. Can kitzij vi chi janíla qʼuiy ri itzel kabanobal. Rat Ajaf, ¿la manek ta cami banel chi natzalabaʼ el ri avoyoval kiqʼuin? Quereʼ cʼa xtibilaʼ rix pa ri tak kʼij riʼ.

38 Man riqʼuin vi riʼ, kitzij chi ri kʼij richin ri itejtobenic e kʼaxinek chic el. Iyalojirisan ri kʼij richin ri icolotajic, cʼa tok manek chic banel jumul, y ri ivulatajic rix can jiquiban vi. Kitzij cʼa chi conojel ri kʼij richin ri icʼaslen icanon ri man yixtiquir ta nivil. Roma xa icanon cʼa ri quicoten quiqʼuin riʼ itzel ibanobal. Y jariʼ man junan ta riqʼuin ri rubaniquil ri ruchojmilal ri cʼo riqʼuin ri nimalej y Jumal Jolomaj chikavech.

39 Janíla ninrayij chi rix, ix ruvinakul re ruvachʼulef reʼ, queʼivacʼaxaj ri nuchʼabel. Nincʼutuj cʼa akʼanij chi ri royoval ri Ajaf titzalabex el iviqʼuin, y chi titzolin pe icʼuʼx y quixcolotej.