1 Liye, mwet wiyuck, yac kowos tiac esam in riti kahs lal mwet pahluh Zenos, ma el sramsramkihn nuh sin mwet Israel, fahk:

2 Porongo, O kowos mwet Israel, ac lohng kahs luhk, sie mwet pahluh luhn Leum.

3 Tuh liye, ohinge Leum El fahk, Nga fah luhmwe kowos, O mwet Israel, oacna soko sahk olive oa, suc sie mwet el eis ac ahkmongoi ke imac in grape suhnwacl; ac kapwack, ac mahtohoh, ac muhtwacwacack in kuhlamlah.

4 Ac tukun ma inge na leum luhn imac in grape sac som, ac el liye lah sahk olive suhnwacl muhtwacwacack in kuhlamlah; ac el fahk: nga fah kihfi, ac pihkihn rauni, ac ahkmongoi, tuh sahp ac sruhnyak lah fuhsr ac sasuc, ac tiac misac.

5 Ac tukun ma inge na el kihfi, ac pihkihn rauni, ac ahkmongoi fal nuh ke kahs lal.

6 Ac tukun ma inge tukun lwen pucspucs na muhtwacwacack in kapwack kuhtuh, lah fuhsr ac sasuc; tuhsruhk liye, acn e lucng fac ah muhtwacwacack in misac.

7 Ac tukun ma inge na leum luhn imac in grape sac liye, ac el fahk nuh sin mwet kuhlwacnsap lal: Ahksuhpwacryeyuc tuh nga in sislah sahk soko inge; ohinge, som ac kotwaclah lah ke soko sahk olive wet, ac use nuh yuruk; ac kuht fah eislah lah na pwacye kac an ma muhtwacwacack in uli, ac kuht fah sislah nuh lun e in fihrihryak.

8 Ac liye, Leum luhn imac in grape El fahk, Nga eislah lah pucspucs fuhsr ac sasuc inge, ac Nga fah kapsrweacng lah kac ah nuh ke oacna sie acn ma Nga luhngse; ac tiac yohk srihpac tuh fin okah kac ah fah misac, Nga ac karihngihn fahko kac uh ohinge nuh Sihk sifacna; ohinge, Nga fah eis lah fuhsr ac sasuc inge, ac Nga fah kapsrweacng lah kac ah nuh ke oacna sie acn ma Nga luhngse.

9 Kowos eis lah ke sahk olive wet soko, ac kapsrweacng, in ahollah; ac lah ma Nga eislah inge Nga fah sislah nuh lun e ac esuhkwack, tuh sahk inge in tiac yolweni infohk ke imac in grape Luhk.

10 Ac tukun ma inge na mwet kuhlwacnsap se luhn Leum luhn imac in grape sac oruh fal nuh ke kahs luhn Leum luhn imac in grape sac, ac kapsrweacng lah ke sahk olive wet soko ah.

11 Ac Leum luhn imac in grape sac oruh tuh in pihkpihk rauni, ac kihfi lah kac, ac ahkmongoi, fahk nuh sin sie mwet kuhlwacnsap Lal: Ahksuhpwacryeyuc tuh Nga in sislah sahk soko inge; ohinge, tuh sahp Nga fah karihngihn okah kac uh in tiac misac, in muh Nga in karihngihn nuh Sihk sifacna, Nga oraclah tari ma se inge.

12 Ohinge, kowos som; liyacacng sahk soko ah, ac ahkmongoi, in fal nuh ke kahs Luhk.

13 Ac Nga fah uslah ukwiyac ten liki acn nuhkwewa ke imac in grape Luhk, ke oacna sie acn Nga luhngse, tiac yohk srihpac nuh suwos; ac Nga oruh ma inge tuh Nga in muh karuhnguhnwacng nuh Sihk sifacna lah na pwacye ke sahk soko uh; ac oacyacpac, tuh Nga in esacni fahko ohinge liki puhluhn pacl uh, nuh Sihk sifacna; tuh ahksuhpwacryeyuc tuh Nga in sislah sahk soko inge ac fahko kac uh.

14 Ac tukun ma inge na Leum luhn imac in grape sac El som nuh ke acn El ac som nuh we, ac okanlah lah na pwacye ke sahk olive oan ten liki nuhkwewa ke imac in grape, kuhtuh nuh sie ac kuhtuh nuh ke kuhtuh na, fal nuh ke kena ac luhngse Lal.

15 Ac tukun ma inge na lusen pacl na loeloes se somlah, ac Leum luhn imac in grape El fahk nuh sin mwet kuhlwacnsap Lal: Fahsruh, lwelah kuht in som nuh ke imac in grape, kuht in muh orekma ke imac in grape.

16 Ac tukun ma inge na Leum luhn imac in grape sac, ac oacyacpac mwet kuhlwacnsap sac, som nuh ke imac in grape in orekma. Ac tukun ma inge na mwet kuhlwacnsap sac fahk nuh sin mwet kol lal: Liye, ngwet nuh inse; liye sahk soko uh.

17 Ac tukun ma inge na Leum luhn imac in grape El ngwetlah ac liye sahk soko ma lah ke olive wet ah kapsreyuckyang nuh kac ah; ac yohkwaclihk ac muhtwacwacack in isus fahko. Ac El liye lah wo; ac fahko kac oacna fahko na pwacye ah.

18 Ac El fahk nuh sin mwet kuhlwacnsap sac: Liye, lah ke sahk wet soko ah muhtwacwacack sruok sroksrok ke okah ah, tuh okah ah sang kuh yohk; ac ke srihpen kuh yohk luhn okah ah lah wet ah use fahko oa. Inge, kuht fuhnuh tiac kapsrweacng lah inge, sahk soko ah luhkuhn misac. Ac inge, liye, Nga fah oracni fahko pucspucs, ma sahk soko ah use; ac fahko kac Nga fah oracni met liki puhluhn pacl uh, nuh Sihk sifacna.

19 Ac tukun ma inge na Leum luhn imac in grape El fahk nuh sin mwet kuhlwacnsap sac: Fahsruh, lwelah kuht in som nuh ten liki nuhkwewa ke imac in grape, ac liye fin lah na pwacye ke sahk soko ah tiac oacyacpac use fahko puhs, tuh Nga in oracni fahko kac met liki puhluhn pacl uh, nuh Sihk sifacna.

20 Ac tukun ma inge na elos som nuh ke acn ma mwet kol sac el okanlah lah na pwacye ke sahk soko ah, ac el fahk nuh sin mwet kuhlwacnsap sac: Liye ma inge; ac el liye na met lah ma inge use fahko pucspucs; ac el oacyacpac liye lah wo. Ac el fahk nuh sin mwet kuhlwacnsap sac: Ohinge eis fahko kac, ac oracni met liki puhluhn pacl uh, tuh nga in karuhnguhnwacng nuh sihk sifacna; tuh liye, el fahk, pacl loeloes nga ahkmongoi, ac ma inge use fahko pucspucs.

21 Ac tukun ma inge na mwet kuhlwacnsap sac fahk nuh sin mwet kol lal: Efuh kom tuhkuh nuh inse in ukwi sahk soko inge, kuh lah se ke sahk soko inge? Tuh liye, acn se ma suhkahsruhp emet ke acn nuhkwewa ke imac in grape suhnom.

22 Ac Leum luhn imac in grape El fahk nuh sel: Nikmet kaiyuc; Nga etuh lah acn na suhkahsruhp se ke fohk uh; ohinge, Nga fahk nuh sum, Nga ahkmongoi ke pacl loeloes, ac kom liye lah use fahko pucspucs.

23 Ac tukun ma inge na Leum luhn imac in grape sac fahk nuh sin mwet kuhlwacnsap se Lal: Ngwet nuh ke inpohla se inge; liye Nga oacyacpac ukwiyac sie pac lah ke sahk soko ah; ac kom etuh lah ipin acn se ke fokon acn se inge suhkahsruhp liki na acn se met ah. Tuh, liye sahk soko. Nga ahkmongoi ke pacl loeloes, ac use fahko pucspucs; ke ma inge, oracni, ac elohsack met liki puhluhn pacl uh, tuh Nga in karuhnguhnwacng nuh Sihk sifacna.

24 Ac tukun ma inge na Leum luhn imac in grape sac sifil pac fahk nuh sin mwet kuhlwacnsap se Lal: Ngwet nuh ke inpohla se inge, ac oacyacpac liye sie pac lah, ma Nga ukwiyac; liye tuh Nga oacyacpac ahkmongoi, ac use fahko.

25 Ac El fahk nuh sin mwet kuhlwacnsap sac: Ngwet nuh ke inpohla se inge ac liye ke ma sahflah soko. Liye, ma inge Nga ukwiyac ke sie acn wo ke infohk uh; ac Nga ahkmongoi ke pacl loeloes, ac ip se ke sahk soko ah muhkwena use fahko oa, ac ip pac sahyac ke sahk soko ah use fahko wet; liye, Nga ahkmongoi sahk soko inge oacna nuh sin ma sahyac ah.

26 Ac tukun ma inge na Leum luhn imac in grape sac fahk nuh sin mwet kuhlwacnsap sac: Eislah lah ma tiac use fahko wo, ac sislah nuh lun e ah.

27 Tuhsruhk liye, mwet kuhlwacnsap sac fahk nuh Sel: Lwelah kuht in kihfi lah kac an, ac pihkihn rauni, ahkmongoi kuhtuh srihsrihk ke kihtin pacl, tuh sahp ac use fahko wo nuh sum, tuh kom kuh in yolseni nuh ke puhluhn pacl uh.

28 Ac tukun ma inge na Leum luhn imac in grape sac ac mwet kuhlwacnsap se luhn Leum luhn imac in grape sac ahkmongoi fahko nuhkwewa ke imac in grape sac.

29 Ac tukun ma inge na lusen pacl na loeloes se somlah, ac Leum luhn imac in grape sac fahk nuh sin mwet kuhlwacnsap se Lal ah: Fahsruh, lwelah kuht in som nuh ke imac in grape, tuh kuht in sifil orekma ke imac in grape sac. Tuh liye, pacl uh apkuhran me, ac sahflah tuhkuh tiac paht; ohinge, Nga enenuh in yolseni fahko nuh ke puhluhn pacl uh, nuh Sihk sifacna.

30 Ac tukun ma inge na Leum luhn imac in grape sac ac mwet kuhlwacnsap sac som nuh ke imac in grape; ac elos som nuh ke sahk soko ma lah na pwacye kac ah kotweyucklac ah, ac lah wet kapihri nuh kac ah; ac liye oasr kain in fahko mayak nuh ke sahk soko ah.

31 Ac tukun ma inge na Leum luhn imac in grape sac El tuh ema fahko kac ah, kain nuhkwewa in fal nuh ke pihsac ah. Ac Leum luhn imac in grape sac fahk: Liye, pacl na loeloes se kuht ahkmongoi sahk soko inge, ac Nga yolseni nuh Sihk sifacna met liki puhluhn pacl luhn fahko pucspucs.

32 Tuhsruhk liye, ke pacl se inge sahk soko inge use fahko pucspucs, ac wacngihn sin ma inge wo. Ac liye, oasr kain in fahko koluk pucspucs; ac wacngihn srihpac nuh Sihk, tiac fal nuh ke orekma yohk lasr; ac inge ahksuhpwacryeyuc tuh Nga in sislah sahk soko inge.

33 Ac Leum luhn imac in grape sac El fahk nuh sin mwet kuhlwacnsap sac: Meac kuht fah oruh nuh ke sahk soko ah, tuh Nga in kuh in sifil karihngihn fahko wo inge nuh Sihk sifacna?

34 Ac mwet kuhlwacnsap sac fahk nuh sin mwet kol lal: Liye, ke srihpen kom kapsrweacng lah ke sahk olive wet soko ah oruh ahkmongoi okah ah, na oruh moul ac tiac misac, ohinge kom liye lah soenna wo ne inge.

35 Ac tukun ma inge na Leum luhn imac in grape sac fahk nuh sin mwet kuhlwacnsap se Lal ah: Sahk soko inge wacngihn srihpac nuh Sihk, ac okah ah ohinge wacngihn srihpac nuh Sihk ne ke na ac use fahko koluk.

36 Ne ohinge, Nga etuh lah okah ah wo, ac ke srihpac Luhk sifacna Nga karihngihn; ac ke srihpen kuhiyac yohk, ma tuhkuh ke lah wet, use fahko wo.

37 Tuh liye, lah wet ah kapwack ac ahluhkwelah okah ah; ac ke srihpen lah wet ah afuhnlah okah ah ac use fahko koluk pucspucs; ac ke srihpen ac use fahko koluk pucspucs kom liye lah muhtwacwacack in misac; ac tiac paht mwesrlah tuh ac sisilac nuh lun e uh, sahyacn kuht fin oruh sie ma ah in karuhnguhnwacng.

38 Ac tukun ma inge na Leum luhn imac in grape sac fahk nuh sin mwet kuhlwacnsap se Lal ah: Lwelah kuht in som nuh ten liki nuhkwewa ke imac in grape sac, ac liye fin lah na pwacye kac ah oacyacpac use fahko koluk.

39 Ac tukun ma inge na elos som nuh ten liki nuhkwewa ke imac in grape sac. Ac tukun ma inge na elos liye lah fahko ke lah na pwacye kac ah oacyacpac koluklac; ahok, lah se met ac ahkluo ac oacyacpac lah sahflah; ac nohfohn na koluklac.

40 Ac fahko wet ke lah sahflah sac afuhnlah ip se ke sahk soko ah suc use fahko wo, finne lah sac uli ac misac.

41 Ac tukun ma inge na Leum luhn imac in grape sac El tuhng, ac fahk nuh sin mwet kuhlwacnsap sac: Meac Nga kuh in oruh pac nuh ke imac in grape Luhk?

42 Liye, Nga etuh lah fahko nuhkwewa ke imac in grape sac, sahyacn ma inge, koluklac. Ac inge ma inge ma ke sie pacl ah use fahko wo oacyacpac koluklac; ac inge sahk nuhkwewa ke imac in grape Luhk wacngihn srihpac sahyacn in pakpucki ac sisiyang nuh lun e uh.

43 Ac liye ke lah sahflah se, ma lah kac ah tuh uli, Nga ukwiyac ke acn na wo se infohk uh; ahok, suc pa Nga sulaclah nuh Sihk emet ke acn nuhkwewa ke imac in grape Luhk.

44 Ac kom liye lah Nga oacyacpac pakwelah tuh ma ma mayang nuh ke ipin acn se inge, tuh Nga in ukwiyac sahk soko inge in ahollah.

45 Ac kom liye lah sie ip kac use fahko wo, ac sie pac ip use fahko wet; ac ke srihpen Nga tiac kotweyac lah ah ac sisilac nuh lun e uh, liye, sahk inge kuhtanglah lah wo ah tuh oruh uli.

46 Ac inge, liye, tiac fal nuh ke karihngihn lasr nuhkwewa ma kuht sislah ke imac in grape Luhk, ohinge sahk ah koluklac, na oruh use fahko tiac wo; ac ma inge Nga finsrakkihn in karuhnguhnwacng, in oracni fahko ohinge met liki puhluhn pacl uh, nuh Sihk sifacna. Tuhsruhk, liye, sahk inge oacna sahk olive wet soko ah, ac wacngihn srihpac tuhsruhk enenuh in pakpucki ac sisiyang nuh lun e uh; ac ahksuhpwacryeyuc tuh Nga in sislah sahk inge.

47 Tuh meac Nga kuh in oruh pac ke imac in grape Luhk? Yac Nga alsruhngwesr in orekmakihn pouk, in muh Nga tiac ahkmongoi? Moh, Nga ahkmongoi, ac Nga pihkihn rauni, ac Nga kihfi lah kac ah, ac Nga sang mwe ahkmongo nuh kac; ac Nga ahsroelah pouk apkuhran in lwen fohn se, ac lwen sahflah apkuhran me. Ac ahksuhpwacryeyuc tuh Nga in pakiyac sahk nuhkwewa ke imac in grape Luhk, ac sislah nuh lun e uh tuh in fihrihryak. Kuh suc ahkkolukye imac in grape Luhk?

48 Ac tukun ma inge na mwet kuhlwacnsap sac fahk nuh sin mwet kol lal: Tiac ma ke fuhlwactlac luhn imac in grape sonom—yac lah kac ah tiac afuhnlah okah ma wo ah? Ac ke srihpen lah ah afuhnlah okah ah, liye kap muhi liki na kuhiyacn okah ah, na oruh eis kuh nuh kac. Liye, nga fahk, yac tiac pa inge srihpac ma oruh sahk ke imac in grape sohnohm ah koluklac?

49 Ac tukun ma inge na Leum luhn imac in grape sac fahk nuh sin mwet kuhlwacnsap sac: Lwelah kuht in som ac pakiyac sahk ke imac in grape sac ac sislah nuh lun e uh, tuh in tiac mayang nuh ke fohk ke imac in grape Luhk, tuh Nga oruh nohfohn. Meac Nga kuh in oruh pac nuh ke imac in grape Luhk?

50 Tuhsruhk, liye, mwet kuhlwacnsap sac fahk nuh sin Leum luhn imac in grape sac: Liyacacng kuhtuh srihsrihk.

51 Ac Leum El fahk: Ahok, Nga fah liyacacng kuhtuh srihsrihk, tuh ahkkweokyeyuc tuh Nga in sislah sahk ke imac in grape Luhk.

52 Ohinge, lwelah kuht in eis lah kac inge suc Nga ukwiyac ten liki nuhkwewa ke imac in grape Luhk, ac lwelah kuht in kapsrweacng nuh ke sahk ma tuhkuh kac ah; ac lwelah kuht in eislah liki sahk ah lah ma fahko kac ac mwen ah, ac kapsrweacng lah na pwacye ke sahk soko ah in ahollah.

53 Ac ma se inge Nga fah oruh tuh sahk soko ah in tiac misac, tuh, sahp, Nga in karuhnguhnwacng nuh Sihk sifacna okah kac ohinge nuh ke srihpac Luhk sifacna.

54 Ac, liye, okah ke lah na pwacye ke sahk soko ma Nga ukwiyac ke acn nuhkwewa ah Nga liye muh srack moul; ohinge, tuh Nga oacyacpac enenuh in karihngihn nuh ke srihpac Luhk sifacna, Nga fah eis lah ke sahk soko inge, ac Nga fah kapsrweacng nuh kac. Ahok, Nga fah kapsrweacng nuh kac lah ke kiacn sahk ah, tuh Nga fah oacyacpac karihngihn okah ah nuh Sihk sifacna, tuh ke kuhi na pwacye sahp ac use fahko wo nuh Sihk, ac Nga fah eis wolacna ke fahko luhn imac in grape Luhk.

55 Ac tukun ma inge na elos eis ke sahk na pwacye soko ah suc eklac wet, ac kapsrweacng lah nuh ke sahk pwacye soko ah, ma oacyacpac eklac wet.

56 Ac elos oacyacpac eis ke sahk na pwacye soko ah suc eklac wet, ac kapsrweacng nuh ke kiacn sahk kiaclos.

57 Ac Leum luhn imac in grape sac fahk nuh sin mwet kuhlwacnsap sac: Nikmet eislah lah wet ke sahk ah, sahyacn fahko ma mwen liki nuhkwewa; ac ke sahk inge kom fah kapsrweacng in fal nuh ke ma Nga fahk.

58 Ac kuht fah sifil ahkmongoi sahk ke imac in grape sac, ac kuht fah kal lah kac; ac kuht fah eislah liki sahk ah lah ma mwesrlah, ma fahsr in misac, ac sislah nuh lun e uh.

59 Ac ma inge Nga oruh tuh, sahp, okah ah in eis kuh ke srihpen wo la; ac ke srihpen eklac luhn lah kac, tuh ma wo in kuhtanglah ma koluk.

60 Ac ke srihpen na Nga karihngihn lah na pwacye kac ah ac okah kac, ac Nga kapsrweacng lah na pwacye kac ah nuh ke kiacn sahk kiaclos, ac karihngihn okah ke kiacn sahk kiaclos, tuh, sahp, sahk ke imac in grape Luhk kuh in sifil use fahko wo; ac tuh Nga fah sifil engan ke fahko luhn imac in grape Luhk, ac, sahp, tuh Nga in engan na pwacye tuh Nga karuhnguhnwacng okah ah ac lah ke fahko se met—

61 Ohinge, som, ac pahngon mwet kuhlwacnsap, tuh kuht in kwacfeacng in orekma ke kuhiyacsr ke imac in grape sac, tuh kuht in ahkolah inkacnek, tuh Nga in sifil use fahko na pwacye, suc fahko pwacye ac wo ac sacohklacna liki kuhtwena fahko sahyac.

62 Ohinge, lwelah kuht in som ac orekma ke kuhiyacsr ke pacl sahflah se inge, tuh liye lwen sahflah apkuhran me, ac pa inge pacl sahflah tuh Nga in kihfi imac in grape Luhk.

63 Kapsrweacng lah an; muhtwacwacack ke sahflah tuh elos in ma se met, ac tuh ma se met in pa sahflah, ac pihkihn sahk rauni, kwewana ma mahtuh ac ma fuhsr, ma se met ac ma sahflah, ac ma sahflah ac ma se met, tuh kwewana in sifil ahkmongoiyuck ke pacl sahflah.

64 Ohinge, pihkihn rauni, ac kihfi lah kac ah, ac sifil pac sang mwe ahkmongo nuh kac, tuh ke pacl sahflah, tuh lwen sahflah apkuhran me. Ac fin ma ac kuh kapsrweacng sahflah inge in kapwack, ac use fahko na pwacye ah, na kom fah ahkolah inkacnek nuh selos, tuh elos in kap.

65 Ac ke elos muhtwacwacack in kap uh kom fah sekihn lah kac an ma ac use fahko mwen, fal nuh ke kuh luhn ma ma wo ac luhpah an; ac kom fah tiac sekihn ma koluk an kwewa ohinge ke pacl sefanna, in muh okah ah fokoko na pwacye nuh ke pacl in kapriyuckyang uh, ac kapihri nuh kac an fah misac, ac Nga sislah sahk ke imac in grape Luhk.

66 Tuh ahksuhpwacryeyuc tuh Nga in sislah sahk ke imac in grape Luhk; ohinge kom fah sekihn ma suc koluk ac ma wo ac in kap, tuh okah ah ac acn lucng fac ah in oacna sie ke kuhiyac, ne ke na ma ma wo ah kuhtanglah ma koluk, ac ma ma koluk ac fah pakpucki ac sisilac nuh lun e uh, tuh elos in muh tiac mayang nuh ke infohk ke imac in grape Luhk; na ohinge Nga fah imonlah ma ma koluk liki imac in grape Luhk.

67 Ac lah ke sahk na pwacye soko ah Nga fah sifil kapsrweacng nuh ke sahk na pwacye soko ah;

68 Ac lah ke sahk na pwacye soko ah Nga fah kapsrweacng nuh ke lah na pwacye ke sahk soko ah; ac ohinge Nga fah sifil pac oracltahlweni nuh sie, tuh elos fah use fahko na pwacye, ac elos fah ma sefanna.

69 Ac ma koluk fah sisilac, ahok, finne liki acn nuhkwewa ke imac in grape Luhk; tuh liye, pacl se inge muhkwena Nga fah kihfi imac in grape Luhk

70 Ac tukun ma inge na Leum luhn imac in grape sac El suhpwaclah mwet kuhlwacnsap se Lal ah; ac mwet kuhlwacnsap sac som ac oruh oacna ke Leum El sapkihn nuh sel, ac use pac mwet kuhlwacnsap, ac elos puh.

71 Ac Leum luhn imac in grape sac fahk nuh selos: Som, ac orekma ke imac in grape sac, ke kuhiyowos nohfohn. Tuh liye, pa inge pacl sahflah na Nga fah ahkmongoi imac in grape Luhk; tuh sahflah fototo me, ac puhluhn pacl uh pihsrpihsr in tuhkuh; ac kowos fin wiyuc orekma ke kuhiyowos kowos fah engan ke fahko ma Nga fah oracni nuh Sihk sifacna liki pacl suc ac fah tuhkuh tiac paht.

72 Ac tukun ma inge na mwet kuhlwacnsap ah elos som ac orekma ke kuhiyaclos; ac Leum luhn imac in grape sac El oacyacpac orekma weluhlos; ac elos ahkos masap luhn Leum luhn imac in grape sac ke ma nuhkwewa.

73 Ac muhtwacwacack in sifil oasri fahko na pwacye ke imac in grape sac; ac lah na pwacye ah muhtwacwacack in kap ac fokokoi na; ac lah ma wet ah muhtwacwacack in kihpatlah ac sisilac; ac ohinge elos karihngihn okah ah ac acn lucng ke fac ah in oacna sie, in fal nuh ke kuhiyac.

74 Ac ohinge elos orekma, in kwacfweacng nohfohn, fal nuh ke masap luhn Leum luhn imac in grape, ne ke na ma ma koluk ac sisilac liki imac in grape sac, ac Leum El karuhnguhnwacng nuh Sel sifacna tuh sahk ah sifil pac fohlohklac in fahko na pwacye kac ah; ac elos eklac in ma sefanna; ac fahko ah oacna sie; ac Leum luhn imac in grape sac karuhnguhnwacng nuh Sel sifacna fahko na pwacye ah, suc sacohk liki nuhkwewa nuh Sel e ke na muhtwacwacackiyac ah.

75 Ac tukun ma inge na ke Leum luhn imac in grape sac El liye tuh fahko Lal wo, ac tuh imac in grape Lal tilac koluk, El pahngon ma mwet kuhlwacnsap Lal, ac fahk nuh selos: Liye, ke pacl sahflah se inge kuht ahkmongoi imac in grape Luhk; ac kowos liye lah Nga oruh fal nuh ke luhngse Luhk; ac Nga karihngihn fahko na pwacye ah, tuh ma inge wo, in oacna e ke muhtwacwacack ah. Ac insewowo nuh suwos; tuh ke srihpen kowos insacnweacng in orekma wiyuc ke imac in grape Luhk, ac liyacacng masap Luhk, ac sifil pac use nuh Sihk fahko na pwacye ah, tuh imac in grape Luhk in tilac koluk, ac ma ma koluk ac sisilac, liye kowos fah engan wiyuc ke srihpen fahko ke imac in grape Luhk.

76 Tuh liye, ke pacl na loeloes se Nga fah oracni fahko ke imac in grape Luhk nuh Sihk sifacna liki puhluhn pacl uh, suc tuhkuh sa; ac ke pacl sahflah Nga ahkmongoi imac in grape Luhk, ac kihfi lah kac ah, ac pihkihn rauni, ac sang mwe ahkmongo nuh kac; ohinge Nga fah oracni nuh Sihk sifacna fahko, ke pacl na loeloes se, fal nuh ke ma ma Nga sruhmuhn kac.

77 Ac ke pacl sac tuhkuh na fahko koluk fah sifil tuhkuh nuh ke imac in grape Luhk, na Nga fah oruh ma ma wo ah ac ma koluk ac in orekweni; ac ma ma wo ah Nga fah karuhnguhnwacng nuh Sihk sifacna, ac ma koluk ac Nga fah sislah nuh ke acn na la uh. Ac na tuhkuh puhluhn pacl uh ac sahflah; ac imac in grape Luhk Nga fah oruh in fihrihryak ke e.