3 Nephi

Puk luhn Mormon

Koano
Mwe Ahkuhtweyac ac Mwet Lohoh
1 Nephi
2 Nephi
Jacob
Enos
Jarom
Omni
Kahs lal Mormon
Mosiah
Alma
Helaman
3 Nephi
4 Nephi
Mormon
Ether
Moroni
Mwe Kahsruh Kol nuh ke Puk luhn Mormon

3 Nephi

Sapta 1
Nephi, wen nahtuhl Helaman, el som liki acn uh, ac wen nahtuhl suc pa Nephi el karuhnguhnwacng ma sihmlac—Finne oasr akucl ac ma usrnguck pucspucs, mwet koluk elos plwacn in uniyac mwet suwohswohs—Fong in isuslac luhn Kraist tuhkuh—Akucl uh utuckuh, ac sie itu sasuc sikyak—Kikiacp ac kuhtasrihk uh upaclah, ac mwet pihsrapasr lal Gadianton elos uniyac mwet pucspucs. Sahp ke yac 1–4 Tukun Kraist.
Sapta 2
Ma koluk ac ma sruhngwacyuck upaclah inmahsrlon mwet uh—Mwet Nephi ac mwet Laman elos tuhkweni in karuhnguhnuhlosyang sifacna in lain un mwet pihsrapasr lal Gadianton—Mwet Laman suc eklac wolac elos fasrfasrlah ac pahngpahng mwet Nephi. Sahp ke yac 5–16 Tukun Kraist.
Sapta 3
Giddianhi, mwet kol luhn u lal Gadianton, el sapkihn tuh Lachoneus ac mwet Nephi in sifacna fuhlwelosyak ac acn selos—Lachoneus el srihsrngilyac Gidgiddoni in sie mwet kol fuhlwact luhn un mwet mweun—Mwet Nephi elos toweni fin acn Zarahemla ac acn Puhs in tuyak karuhnguhnuhlosyang sifacna. Sahp ke yac 16–18 Tukun Kraist.
Sapta 4
Un mwet mweun luhn mwet Nephi elos kuhtanglah un mwet pihsrapasr lal Gadianton—Giddianhi el acnwucki, ac el suc aholuhl, Zemnarihah, el loksakiyucklac—Mwet Nephi elos kaksakihn Leum ke kuhtanglah lalos. Sahp ke yac 19–22 Tukun Kraist.
Sapta 5
Mwet Nephi elos auliyak ac fuhlweack ma koluk lalos—Mormon el suhmuhslah sramsram mahtuh luhn mwet lal ac fahkwack kahs ma pahtpaht nuh selos—Israel ac fah fahsreni tukun fahsrelihk loeloes la. Sahp ke yac 22–26 Tukun Kraist.
Sapta 6
Mwet Nephi elos kapkapwack—Inse fuhlwact, kahsruhp, ac srisri mwet uh upaclah—Alu uh maelihk ke akuhkuhin—Setuhn el kol mwet uh in sukohsohk in lain—Mwet pahluh pucspucs elos luti auliyak ac elos acnwucki—Ahkmas lalos oruh mwet uh in fahsreni nuh sie in kuhtanglah kafucrmacn. Sahp ke yac 26–30 Tukun Kraist.
Sapta 7
Mwet nuhnuhnkuh fuhlwact el acnwucki, kafuhnah el kuhnausyucklac, ac mwet uh fahsrelihk nuh ke u—Jacob, sie mwet lain Kraist, el eklac tohkohsrah luhn sie u lukmac—Nephi el luti auliyak ac luhlahlfongi ke Kraist—Lipufacn elos luti nuh sel lwen nuhkwewa, ac el ahkmoulyeack tamuhlwel wiyacl liki misac—Mwet pucspucs auliyak ac pacptaislac. Sahp ke yac 30–33 Tukun Kraist.
Sapta 8
Eng upac, kusrusr, e, eng for, ac ongaiyac upac luhn facluh ahkpwacyeiye acnwucki luhn Kraist—Mwet pucspucs kuhnausyucklac—Lohsr afuhnlah acn uh ke lusen lwen tolu—Elos suc painmoullac sahsaho kweok ke ohiyaclos. Sahp ke yac 33–34 Tukun Kraist.
Sapta 9
Ke lohsr ah, puhsrwen Kraist fahkwelihk kuhnausyucklac luhn mwet ac siti pucspucs ke ma koluk lalos—El oacyacpac fahkwelihk wolacna Lal, fahk lah masap lal Moses ahkpwacyeiyucklac, ac suli mwet uh in tuhkuh nuh Yohrohl ac moliyucklac. Sahp ke yac 34 Tukun Kraist.
Sapta 10
Oasr mislac fin acn uh ke lusen ao pucspucs—Puhsrwen Kraist olwelah in oracni mwet Lal oacna ke sie won el oracni won srihsrihk nahtuhl—Un mwet suwohswohs elos karihngihnyuckyang. Sahp ke yac 34–35 Tukun Kraist.
Sapta 11
Pahpah El fahkwack ke Wen Kulo Nahtuhl—Kraist El sikyak ac fahkwelihk Iwaclah Lal—Mwet uh puhla akucl in kihnet ke pahol ac niyacl ac sisken inniwacl—Elos wowoyak fahk Osana—El oakiyac ohiyac ac akwuck luhn pacptais—Nguhn in akuhkuhin ma luhn devil—Mwe luti luhn Kraist pa mwet uh enenuh in luhlahlfongi ac pacptaislac ac eis Nguhn Muhtahl. Sahp ke yac 34 Tukun Kraist.
Sapta 12
Jisus El pahngon ac sang kuh nuh sin mwet tuhma lutlut singuculluo—El sang nuh sin mwet Nephi sie sramsram ma oacna Luti Finohl uh—El sramsram ke Insewowo—Luti Lal ahluhkwelah ac yohk srihpac liki masap lal Moses—Mwet uh sapkihnyuck in suwohs finne oacna ke El ac Pahpah tuhmwacl Elos suwohs—Kapsra Matthew 5. Sahp ke yac 34 Tukun Kraist.
Sapta 13
Jisus El luti mwet Nephi Pruhe luhn Leum—Elos in sruhkwack ma kahsruhp inkuhsrao—Mwet tuhma lutlut singuculluo ke luti lalos elos sapkihnyuck in tiac nuhnkuh ke ma suhkawihl—Kapsra Matthew 6. Sahp ke yac 34 Tukun Kraist.
Sapta 14
Jisus El sapkihn: Nimet nuhnuhnkuh; siyuck sin God; sensenkackihn mwet pahluh kikiacp—El olwelah moliyucklac nuh selos suc oruh luhngse luhn Pahpah—Kapsra Matthew 7. Sahp ke yac 34 Tukun Kraist.
Sapta 15
Jisus El fahk lah masap lal Moses ahkpwacyeiyucklac Kacl—Mwet Nephi pa sip sahyac ma El sramsramkihn fin acn Jerusalem—Ke srihpen ma koluk, mwet luhn Leum fin acn Jerusalem elos tiacna etuh ke sip fashsrelihk luhn Israel. Sahp ke yac 34 Tukun Kraist.
Sapta 16
Jisus El fah fahsri mwet sahyac sin sip tuhlac luhn Israel—Ke lwen sahflah wosasuc ac fah som nuh yurun mwet Gentile ac na fah nuh yurun mwet Israel—Mwet luhn Leum elos fah liye ke muhtahlos sifacna ke El sifilpac use Zion. Sahp ke yac 34 Tukun Kraist.
Sapta 17
Jisus El kol mwet uh in motko kahs Lal ac pruhe in etatwen—El unwelah mwet mas lalos—El pruhe kacn mwet uh, orekmakihn kahs ma tiac kuh in sihmihsyucklac—Lipufacn luti ac e raunwelah tuhlihk srihsrihk nahtuhlos. Sahp ke yac 34 Tukun Kraist.
Sapta 18
Jisus El oakiyac kuhfa luhn Leum inmahsrlon mwet Nephi—Elos sapkihnyuck in pruhe pacl nuhkwewa ke Inel—Elos suc ipeis mahnol ac nihm srah Lal a tiacna suwohs elos lihsyucklac—Mwet tuhma lutlut elos eis kuh in sang Nguhn Muhtahl. Sahp ke yac 34 Tukun Kraist.
Sapta 19
Mwet tuhma lutlut singuculluo elos luti nuh sin mwet uh ac pruhe in eis Nguhn Muhtahl—Mwet tuhma lutlut elos pacptaislac ac eis Nguhn Muhtahl ac luti luhn lipufacn—Jisus El pruhe orekmakihn kahs ma tiacna kuh in sihmihsyucklac—El fahkwack ke luhlahlfongi na fokoko luhn mwet Nephi inge. Sahp ke yac 34 Tukun Kraist.
Sapta 20
Jisus El sang puhret ac wine ke usrnguck ac sifilpac karihngihn kuhfa luhn Leum nuh sin mwet uh—Un mwet luhlah lal Jacob ac fah tuhkuh nuh ke etwacack luhn Leum God lalos ac fah usrui acn America—Jisus El mwet pahluh oacna Moses, ac mwet Nephi pa tuhlihk nuhtin mwet pahluh—Mwet sahyac luhn mwet luhn Leum elos fah toeni nuh Jerusalem. Sahp ke yac 34 Tukun Kraist.
Sapta 21
Israel ac fah orekeni ke pacl se Puk luhn Mormon ac tuhkuh—Mwet Gentile elos fah akwucki oacna sie un mwet sukohsohk fin acn America—Elos fah moliyucklac elos fin luhlahlfongi ac ahkos; fin tiac ohinge, elos fah lihsyucklac ac kuhnausyucklac—Israel ac fah muhsaheack Jerusalem Sasuc, ac sruf tuhlac an ac fah fohlohk. Sahp ke yac 34 Tukun Kraist.
Sapta 22
Ke lwen sahflah, Zion ac stek lal ac fah akwucki, ac Israel fah orekeni ke pahkotwen ac kuhlwacng—Elos fah kuhtanglah—Kapsra Isaiah 54. Sahp ke yac 34 Tukun Kraist.
Sapta 23
Jisus El ahkkweye kahs lal Isaiah—El sapkihn tuh mwet uh in suk mwet pahluh—Kahs lal Samuel suc mwet Laman ke Sifilpac Moulyak uh ituckyang in weacng ma sihmlac lalos. Sahp ke yac 34 Tukun Kraist.
Sapta 24
Sap luhn Leum ac fah ahkolah inkacnek nuh ke Tuhkuh Ahkluo—Kraist El fah nuhnuhnkuh—Sapkihnyuck Israel in moli sie sin singucul ac mwe sang—Sie puk in ahkacsmakihn karihngihnyuck—Kapsra Malachi 3. Sahp ke yac 34 Tukun Kraist.
Sapta 25
Ke Tuhkuh Ahkluo, mwet insefuhlwact ac mwet koluk ac fah isisyak oacna mah paho—Elijah el fah fohlohk met liki lwen na yohk srihpac ac ahksahngweng sac—Kapsra Malachi 4. Sahp ke yac 34 Tukun Kraist.
Sapta 26
Jisus El ahkuhtweyac ma nuhkwewa e ke na muhtwacwacackiyac ah ne ke na sahflahiyac ah—Ahwowo ac tuhlihk uh fahk ma wolacna ma tiac kuh in sihmihsyucklac—Elos ke Alu luhn Kraist elos oacna sie ke ma nuhkwewa inmahsrlolos. Sahp ke yac 34 Tukun Kraist.
Sapta 27
Jisus El sapkihn tuh Alu uh in pahngpahng ke Inel—Misrin Lal ac kisac in iwaclah lal ma katweack wosasuc Lal—Mwet uh sapkihnyuck in auliyak ac in pacptaislac tuh elos in ahknwacsnwacsyeyucklac ke Nguhn Muhtahl—Elos enenuh in ohinge oacna ke Jisus el ohinge. Sahp ke yac 34–35 Tukun Kraist.
Sapta 28
Yuc sin mwet tuhma lutlut singuculluo kena ac uliyuckyang ke sie usru ke tohkohsrahi luhn Kraist ke elos ac misac—Mwet Nephi Tolu kena ac ituckyang kuh fin misac tuh elos in muhta na fin facluh ne ke na Jisus El sifilpac tuhkuh—Elos eklac ac liye ma suc tiac lwelah in sruhmuhnyuck, ac ingena elos luti inmahsrlon mwet uh. Sahp ke yac 34–35 Tukun Kraist.
Sapta 29
Tuhkuh luhn Puk luhn Mormon pa sie mwe akucl lah Leum El muhtwacwacack in oracni Israel ac ahkpwacyeiye wuhlweacng Lal—Elos suc sruhnga fwackyuck ac mwe sang Lal ke lwen sahflah ac fah selngawiiyucki. Sahp ke yac 34–35 Tukun Kraist.
Sapta 30
Mwet Gentile ke lwen sahflah elos sapkihnyuck in auliyak, tuhkuh nuh yurun Kraist, ac oacwaclah wi mwet Israel. Sahp ke yac 34–35 Tukun Kraist.