Sapta 1Moroni el ahkfototoyelah sihm lal Ether—Tahk in sucu lal Ether utuckuh—Kahs luhn mwet Jared tiacna eklac ke Tower luhn Babel—Leum El olwelah in kohlohlos nuh ke sie acn wolacna ac oruh elos in sie muhtuhnfacl fokoko. Sapta 2Mwet Jared elos ahkolah nuh ke fuhfahsryucsr lalos nuh ke sie acn wihlwihl—Sie acn wolacna ma mwet uh enenuh in kuhlwacnsapuh Kraist kuh lihsyucklac—Leum El sramsram nuh sin tamuhlwel lal Jared ke lusen ao tolu—Mwet Jared elos muhsaheack oak luhlahp—Leum El siyuck sin tamuhlwel lal Jared in fahk lah oak uh ac tolyuckyak fuhkah. Sapta 3Tamuhlwel lal Jared el liye kihfihn poun Leum ke El kahlyac yot singucul ohnkohsr—Kraist El ahkkahlwemye nguhnan mahnol nuh sin tamuhlwel lal Jared—El suc oasr etwacack suwohs la tiac kuh in sruokyucki lihkihn mwe lihsrlihsr uh—Mwe lweng uh ituckyang in use ma sihmlac luhn mwet Jared in ahkkahlwemyeyuck. Sapta 4Moroni el sapkihnyuck in siliyac sihm luhn tamuhlwel lal Jared—Ma inge ac fah tiac ahkkahlwemyeyuck ne ke na mwet uh luhlahlfongi finne in oacna tamuhlwel lal Jared—Kraist El sapkihn mwet uh in luhlahlfongi ke kahs Lal ac kahs luhn mwet tuhma lutlut Lal—Mwet uh sapkihnyuck in auliyak, luhlahlfongi wosasuc, ac moliyucklac. Sapta 5Mwet loh tolu ac orekma uh fah tu oacna sie mwe fahkwack luhlahlfongi ke pwacyeiyacn Puk luhn Mormon. Sapta 6Oak okwacn mwet Jared pahtokyuck ke eng nuh ke acn wihlwihl—Mwet uh kaksakihn Leum ke wolacna Lal—Orihah el srihsrngiyucki in tohkohsrah faclos—Jared ac tamuhlwel lal elos misac. Sapta 7Orihah el kol ke suwohswohs—Rauniyucklac ke tuhngahk in eislah kuh in kol ac fohs, tohkohsrahi lokoalok lal Shule ac Cohor akwucki—Mwet pahluh elos sruhnga ma koluk ac alyalu nuh ke ma sruhlwaclah luhn mwet, suc ac auliyak. Sapta 8Oasr lokoalok ac fohs ke tohkohsrahi uh—Akish el oraclah sie olwelah ma kuhpahsryang nuh ke u lukmac in unilyac tohkohsrah—U lukmac uh ma luhn devil ac sahflahiyac pa kuhnausyucklac luhn muhtuhnfacl—Mwet Gentile in pacl inge ahksensenkackihnyuck in lain u lukmac ma ac fah suk in kuhnahoslah sukohsohk luhn acn, muhtuhnfacl, ac facl nuhkwewa. Sapta 9Tohkohsrahi ituckyang sin sie nuh sin siepac ke tahk in sucu, kuhtasrihk, ac ahkmas—Emer el liye Wen nuhtin Suwohswohs—Mwet pahluh pucspucs luti in auliyak—Sie sracl in mongo ac serpent pwacsin ahkkweokye mwet uh. Sapta 10Sie tohkohsrah ahol siepac—Kuhtuh sin tohkohsrah uh suwohswohs; kuhtuh koluk—Ke oasr suwohswohs, mwet uh ahkinsewowoyeyuck ac kapkapwack sin Leum. Sapta 11Mweun, akuhkuhin, ac ma koluk uh orek yohk ke moul luhn mwet Jared—Mwet pahluh elos palye kuhnausyucklac luhn mwet Jared elos fin tiac auliyak—Mwet uh sruhnga kahs luhn mwet pahluh. Sapta 12Mwet pahluh Ether el kwacfe nuh sin mwet uh in luhlahlfongi God—Moroni el sruhmuhn ma usrnguck ac wolacna ma orek ke luhlahlfongi—Luhlahlfongi uh oruh tamuhlwel lal Jared in liye Kraist—Leum El sang nuh sin mwet uh in muhnahs tuh elos in kuh in inse puhsisacl—Tamuhlwel lal Jared el mokle Finohl Zerin ke luhlahlfongi—Luhlahlfongi, finsrak, ac luhngse muhtahl uh yohk srihpac nuh ke molwelah—Moroni el angwetwacni liyacl Jisus. Sapta 13Ether el sramsramkihn Jerusalem Sasuc in muhsahiyuckyak fin acn America ke fihtac lal Joseph—El pahluh, lihsyucklac, suhmuhslah sramsram mahtuh luhn mwet Jared, ac palye kuhnausyucklac luhn mwet Jared—Mweun uh upac fin acn nuhkwewa. Sapta 14Ma koluk luhn mwet uh use sie selngawi nuh fin acn uh—Coriantumr el mweun laenuhl Gilead, na Lib, ac na Shiz—Srah ac mahno uh afuhnlah acn uh. Sapta 15Million sin mwet Jared elos acnwucki ke mweun—Shiz ac Coriantumr oracni nohfohn mwet uh in mweun acnwuck—Nguhn luhn Leum tui tilac weluhlos—Muhtuhnfacl Jared kuhnausyucklac—Coriantumr el muhkwena luhlah.