Molomona

Ngaahi Folofolá

Tohi ʻa Molomoná

Ngaahi Fakahokohokó
Talateú mo e Kau Fakamoʻoní
1 Nīfai
2 Nīfai
Sēkope
ʻĪnosi
Seilomi
ʻAmenai
Ngaahi Lea ʻa Molomona
Mōsaia
ʻAlamā
Hilamani
3 Nīfai
4 Nīfai
Molomona
ʻEta
Molonai

Molomona

Vahe 1
ʻOku fakahinohinoʻi ʻe ʻEmaloni ʻa Molomona ʻo kau ki he ngaahi lekooti toputapú—ʻOku kamata ʻa e tau ʻi he vahaʻa ʻo e kau Nīfaí mo e kau Leimaná—ʻOku ʻave ʻa e Kau Nīfai ʻe Toko Tolú—ʻOku mafola lahi ʻa e fai angahalá, taʻetuí, ngāue fakalouʻakaú, mo e ngāue fakafaʻahikehé. Taʻu T.S. 321–326 nai.
Vahe 2
ʻOku taki ʻe Molomona ʻa e kau tau ʻa e kau Nīfaí—ʻOku mafola ʻa e lingi totó mo e fakaʻauhá ʻi he fonuá—ʻOku tangilaulau ʻa e kau Nīfaí pea tengihia ʻi he mamahi ʻa kinautolu ʻoku malaʻiá—ʻOku ʻosi atu ʻa honau ʻaho ʻo e ʻaloʻofá—ʻOku maʻu ʻe Molomona ʻa e ngaahi peleti ʻa Nīfaí—ʻOku hoko atu ʻa e ngaahi taú. Taʻu T.S. 327–350 nai.
Vahe 3
ʻOku kalanga ʻaki ʻe Molomona ʻa e fakatomalá ki he kau Nīfaí—ʻOku nau fai ha ikuna kāfakafa pea nau pōlepole ʻi honau ivi ʻonautolú—ʻOku fakafisi ʻa Molomona ke ne taki ʻa kinautolu, pea naʻá ne lotua ʻa kinautolu ka naʻá ne tui pē ʻe ʻikai te nau fakatomala—ʻOku fakaafeʻi ʻe he Tohi ʻa Molomoná ʻa e faʻahinga ʻe hongofulu mā ua ʻo ʻIsilelí ke nau tui ki he ongoongoleleí. Taʻu T.S. 360–362 nai.
Vahe 4
ʻOku hokohoko atu ʻa e taú mo e lilingi totó—ʻOku tauteaʻi ʻe he kau fai angahalá ʻa e kau fai angahala—ʻOku mafola ʻa e fai angahala ʻoku lahi ange ʻi ha toe taimi ʻi muʻa ʻi ʻIsileli—ʻOku feilaulau ʻaki ʻa e kakai fefiné mo e fānaú ki he ngaahi ʻotua tamapua—ʻOku kamata ʻe he kau Leimaná ke fakaʻauha ʻa e kau Nīfai ʻoku tuʻu hake kiate kinautolú. Taʻu T.S. 363–375 nai.
Vahe 5
ʻOku toe taki ʻe Molomona ʻa e ngaahi kau tau ʻa e kau Nīfaí ʻi he ngaahi tau naʻe lahi ai ʻa e lilingi totó mo e fakaʻauhá—ʻE ʻomi ʻa e Tohi ʻa Molomoná ke fakalotoʻi ʻa ʻIsileli kotoa pē ko Sīsū ʻa e Kalaisí—Ka koeʻuhi ko ʻenau taʻetuí, ʻe fakamoveteveteʻi ʻa e kau Leimaná, pea ʻe ʻikai ngāue mai ʻa e Laumālié kiate kinautolu—Te nau maʻu ʻa e ongoongoleleí mei he kau Senitailé ʻi he ngaahi ʻaho fakaʻosí. Taʻu T.S. 375–384 nai.
Vahe 6
ʻOku fakataha mai ʻa e kau Nīfaí ki he fonua ko Komolá ki he ngaahi tau fakaʻosí—ʻOku fufuuʻi ʻe Molomona ʻa e ngaahi lekooti toputapú ʻi he Moʻunga ko Komolá—ʻOku ikuna ʻe he kau Leimaná, pea ʻoku fakaʻauha ʻa e kau Nīfaí—ʻOku mate ʻa e lau kilu ʻi he heletā. Taʻu T.S. 385 nai.
Vahe 7
ʻOku fakaafeʻi ʻe Molomona ʻa e kau Leimana ʻo e ngaahi ʻaho fakaʻosí ke nau tui kia Kalaisi, mo tali ʻEne ongoongoleleí, pea moʻui—Ko kinautolu kotoa pē ʻoku tui ki he Tohi Tapú te nau tui foki ki he Tohi ʻa Molomoná. Taʻu T.S. 385 nai.
Vahe 8
ʻOku haʻao ʻe he kau Leimaná mo fakaʻauha ʻa e kau Nīfaí—ʻE ʻomi ʻa e Tohi ʻa Molomoná ʻi he māfimafi ʻo e ʻOtuá—ʻOku fakahā ʻa e ngaahi fakamamahi kiate kinautolu te nau ʻita mo fakafepaki ki he ngāue ʻa e ʻEikí—ʻE ʻomi ʻa e lekooti ʻo e kau Nīfaí ʻi ha ʻaho ʻo e fai angahala, mo e angaʻuli, mo e hē mei he moʻoní. Taʻu T.S. 400–421 nai.
Vahe 9
ʻOku ui ʻa Molonai kiate kinautolu ʻoku ʻikai tui kia Kalaisí ke nau fakatomala—ʻOkú ne malanga ʻaki ha ʻOtua ʻo e ngaahi mana, ʻa ia ʻokú ne fai mai ʻa e ngaahi fakahā pea huaʻi hifo ʻa e ngaahi meʻafoakí mo e ngaahi fakaʻilongá ki he kakai tui faivelengá—ʻOku ngata ʻa e ngaahi maná koeʻuhi ko e taʻetuí—ʻOku fakahā ʻa e ngaahi fakaʻilongá kiate kinautolu ʻoku tuí—ʻOku naʻinaʻi ki he kakaí ke nau anga-fakapotopoto mo tauhi ʻa e ngaahi fekaú. Taʻu T.S. 401–421 nai.