Buk blong Moronae

1 Nao mi, Moronae, afta we mi finis blong raetemsot histri blong ol pipol blong Jared, mi ting se bae mi no raetem moa, be kasem naoia, mi no ded yet; mo mi no soem miwan long Ol Man blong Leman, from nogud bae oli kilimded mi.

2 From luk, ol wo blong olgeta oli strong tumas long medel blong olgeta; mo from fasin blong olgeta blong no laekem man, oli kilimded evri Man blong Nifae we bae i no tanem baksaed long Kraes.

3 Mo mi, Moronae, bae mi no tanem baksaed long Kraes; taswe, mi wokbaot olbaot long eni ples we mi save go long hem blong mi save sevem laef blong mi.

4 Taswe, mi raetem sam smol samting moa, i no olsem we mi ting long hem fastaem; from mi bin ting se bae mi no raetem moa samting; be mi raetem sam smol samting moa, blong maet bae oli save gat yus long ol brata blong mi, Ol Man blong Leman, long samfala dei long fiuja, folem tingting blong Lod.