1 Fasin we ol disaepol, we oli bin singaotem olgeta ol elda blong jos, oli odenem ol pris mo ol tija—

2 Afta we oli prea long Papa long nem blong Kraes, oli putum han blong olgeta antap long hed blong olgeta, mo oli talem:

3 “Long nem blong Jisas Kraes, mi odenem yu blong kam wan pris (o sapos we hem i kam wan tija, mi odenem yu blong kam wan tija) blong prijim fasin blong sakem sin mo fasin blong kam klin aot long ol sin tru long Jisas Kraes, tru long fasin blong stap strong long fet, long nem blong hem kasem en. Amen.”

4 Mo long fasin ia nao oli bin odenem ol pris mo ol tija, folem ol presen mo ol koling we oli bin kam long God; mo oli odenem olgeta tru long paoa blong Tabu Spirit, we i stap long olgeta.