Moronae, Boe blong Momon

Hem i las profet blong Ol Man blong Nifae insaed long Buk blong Momon (samples 421 A.K.B.). Jes bifo ded blong Momon, hem i givim wan histri rekod, we oli singaotem ol buk blong Momon, i go long boe blong hem Moronae (TbM 1:1). Moronae i bin finisim wok blong putum ol buk blong Momon tugeta. Hem i ademap ol japta 8 mo 9 i go long buk blong Momon (Momon 8:1). Hem i raetemsot mo putum buk blong Ita i go insaed (Ita 1:1–2) mo i ademap buk blong hem we oli singaotem buk blong Moronae (Moro 1). Moronae i silim ol buk mo i haedem olgeta long Hil Kumora (Momon 8:14; Moro 10:2). Long 1823, Lod i sendem Moronae olsem wan we i laef bakegen long ded blong soemaot Buk blong Momon long Josef Smit (D&K 27:5; JS—H 1:30–42, 45). Hem i givim instraksen long yangfala profet evri yia stat long 1823 i go kasem 1827 (JS—H 1:54) mo laswan nao i givim ol buk long hem long 1827 (JS—H 1:59). Afta we hem i finisim translesen, hem i givimbak ol buk ia i go long Moronae.