Bal

Wan god blong san, we i wan man, i bin stap wosip fulap long Fenisia (1 King 16:31) be tu, hem i bin stap wosip long ol defren wei long ol defren ples: long Ol Man Moab olsem Balpeoro (Nam 25:1–3), long Sesem olsem Balberit (Jaj 8:33; 9:4) long Ekron olsem Balsebub (2 King 1:2). Ating Bal i semmak long Bel blong Babilon mo Sus blong Gris. Toktok ia, Bal i talemaot rilesensip bitwin wan masta mo slef blong hem. Saen we oli yusum oltaem blong ripresentem Bal i wan man buluk. Astate i bin woman god we oltaem oli bin stap wosip long hem wetem Bal.

Bal, samtaem oli joenem wetem wan narafala nem, o toktok, blong talem se i go wetem Bal, olsem wan ples we oli bin stap wosipim hem, o wan man we fasin blong hem i olsem hemia blong Bal. Afta, from se Bal i kam blong gat ol prapa nogud tingting, toktok ia, Boseth, oli riplesem mo yusum tufala nem ia. Boseth i minim “sem.”