Aronik Prishud

Prishud we i moa daon (Hib 7:11–12; D&K 107:13–14). Ol ofis blong prishud ia oli, bisop, pris, tija, mo dikon (D&K 84:30; 107:10, 14–15, 87–88). Long taem bifo, folem loa blong Moses, i bin gat ol hae pris, ol pris mo Ol Man Livae. From se Ol Man Isrel blong bifo oli bin agensem God, nao God i tekemaot Moses mo tabu prishud long olgeta, mo prishud we i moa daon i bin gohed blong stap. Hemia from oli no bin wantem blong kam tabu, mo no wantem blong kasem Melkesedek Prishud wetem ol odinens blong prishud ia. (Luk long D&K 84:23–26.) Aronik Prishud i lukluk long ol odinens blong loa mo blong gospel we i blong wol ia mo man i save luk (1 Kron 23:27–32; D&K 84:26–27; 107:20). Prishud ia i holem ol ki blong ol seves blong ol enjel, blong gospel blong sakem sin, mo blong baptaes (D&K 13). Aronik Prishud i bin kambak long wol long dispensesen ia long 15 Mei 1829. Jon Baptaes nao i bin givim prishud ia long Josef Smit mo Oliva Kaodri, hemia kolosap long Hamoni, Pensilvania (D&K 13; JS—H 1:68–73).