Olgeta we oli stap folem Kraes mo oli stret mo gud, oli save kam blong kaontem olgeta wetem olgeta we Lod i jusum, we oli kasem stret save abaot fasin blong kam wan god. Koling mo diuti ia, i stat wetem fasin blong sakem sin mo baptaes. Hem i kam fulwan taem oli “gohed strong, kakae gud long toktok blong Kraes, mo stap strong kasem en” (2 Nif 31:19–20). Ol skripja oli singaotem rod ia, se, mekem sua se yumi kasem koling mo diuti ia (2 Pita 1:4–11; D&K 131:5–6).