Fasin we taem man i slip wetem woman, o woman i slip wetem man, be i no folem loa. Nomata we plante taem, adaltri i tokbaot fasin blong wan mared man o woman i slip wetem wan narafala we i no waef o hasban blong hem, long ol skripja, hem i save minim tu wan we i no mared.
Samtaem, oli yusum adaltri olsem wan simbol blong apostasi blong wan nesen o wan ful pipol we i aot long ol wei blong Lod (Nam 25:1–3 ; Jerem 3:6–10 ; Esik 16:15–59 ; Hos 4 ).
Josef bae i no mekem bigfala nogud fasin ia, mo sin agensem God, Jen 39:7–12 .
Yu no mas mekem adaltri, Eks 20:14 .
Huia i luk long wan woman mo i wantem hem tumas, i olsem hem i mekem adaltri long hat blong hem finis, Mat 5:28 .
Olgeta we oli stap ronem ol woman o ol man, o ol man o ol woman we oli stap mekem adaltri, bambae oli no save kasem kingdom blong God, 1 Kor 6:9–10 .
God bae i jajem ol man mo ol woman we oli slip tugeta bifo mared mo olgeta we oli mekem adaltri, Hib 13:4 .
Adaltri i sin we i moa rabis bitim evri nara sin, be i no bitim hemia blong mekem blad blong man i ron, o sin blong tanem baksaed long Tabu Spirit, Alma 39:3–5 .
Hem we i mekem adaltri, mo i no sakem sin, bambae oli sakemaot hem long jos, D&K 42:23–26 .
Sapos eniwan i mekem adaltri long hat blong hem, bae hem i no gat Spirit, D&K 63:14–16 .