Jon Baptaes Luk tu long Aronik Prishud; Elaeas Hem i boe blong Sekaraea mo Elisabet long Niu Testeman. Jon, God i bin sendem hem blong mekem ol pipol oli rere blong risivim Mesaea (Jon 1:19–27). Hem i holem ol ki blong Aronik Prishud mo i bin baptaesem Jisas Kraes. Aesea mo ol narawan oli bin profesae long saed blong misin blong Jon, Aes 40:3 (Mal 3:1; 1 Nif 10:7–10; 2 Nif 31:4). Oli putum hem long kalabus mo oli katemaot hed blong hem, Mat 14:3–12 (Mak 6:17–29). Gabriel i anaonsem taem we Jon i bon mo seves blong hem long Sekaraea, Luk 1:5–25. Jisas i tijim se Jon Baptaes i bin wan bigfala profet, Luk 7:24–28. I luksave Jisas olsem Pikinini blong God, Jon 1:29–34. Ol disaepol blong Jon oli kam disaepol blong Jisas, Jon 1:25–29, 35–42 (Wok 1:21–22). Hem i no mekem merikel, Jon 10:41. Olsem wan man we i laef bakegen long ded, God i sendem hem blong odenem Josef Smit mo Oliva Kaodri long Aronik Prishud, D&K 13 (D&K 27:7–8; JS—H 1:68–72). Wan enjel i odenem hem taem hem i gat eit yia, D&K 84:28.