Jenesis

Buk blong Jenesis i fas buk blong OlTesteman, mo profet Moses i bin raetem. I givim storian blong plante stat, olsem kriesen blong wol, taem Lod i putum ol animol mo man long wol, taem we Adam mo Iv, tufala i Foldaon, revelesen blong gospel i go long Adam, stat blong ol traeb mo ol defren kaen pipol, stat blong ol defren lanwis long Babel, mo stat blong famli blong Ebraham we i go kasem taem we oli stanemap haos blong Isrel. Insaed long buk blong Jenesis, oli tokbaot plante wok blong Josef olsem man blong holemtaet Isrel.

Ol revelesen blong lata-dei i talem bakegen mo i kliarem rekod we i stap long Jenesis (1 Nif 5; Ita 1; Moses 1–8; Ebr 1–5).

Insaed long buk blong Jenesis, ol japta 1–4 oli tokbaot kriesen blong wol mo olsem wanem famli blong Adam i kam antap. Ol japta 5–10 oli rekodem histri blong Noa. Ol japta 11–20 oli tokbaot Ebraham mo famli blong hem i go kasem taem blong Aesak. Ol japta 21–35 oli tokbaot famli blong Aesak. Japta 36 i tokbaot Esao mo famli blong hem. Ol japta 37–50 oli tokbaot famli blong Jekob mo i givim storian blong Josef we oli salem hem i go long Ijip, mo wok blong hem blong sevem haos blong Isrel.