Nehemaea

Buk ia, i gohed long ol toktok we oli stap long buk blong Esra. I tekem wan histri blong progres mo ol hadtaem blong wok long Jerusalem afta we Ol Man Jiu oli kambak olsem prisena long Babilon. Ol japta 1–7 oli tokbaot fas visit blong Nehemaea i go long Jerusalem mo taem oli bildimbak ol wol we oli go raon long siti nomata bigfala agens i stap. Ol japta 8–10 oli tokbaot ol niufala samting we i stap kamaot long saed blong relijin mo sosol laef we Nehemaea i traem blong stanemap. Ol japta 11–13 oli givim wan lis blong ol nem blong olgeta we oli klin inaf mo i givim wan histri blong dedikesen blong wol ia. Ol ves 4–31 blong japta 13 oli rekodem wan nambatu visit blong Nehemaea i go long Jerusalem afta we hem i stap longwe blong twelef yia.