Joel
Hem i wan profet long graon blong Juda long OlTesteman. Deit blong laef blong hem, oli no save gud—ating hem i laef bitwin rul blong Joas, bifo 850 B.K.B., mo kambak blong traeb blong Juda aot long slef long Babilon.
Buk blong Joel
Buk i lukluk fulap long wan profesi we Joel i bin mekem afta we wan bigfala taem blong drae taem mo ol lokis oli prapa spolem gud graon blong Juda (Joel 1:4–20). Joel i talem gud long ol pipol se tru long fasin blong sakem sin bae oli save kasem ol blesing blong God bakegen (Joel 2:12–14).
Japta 1 i singaot from wan tabu kam tugeta insaed long haos blong Lod. Japta 2 i tokbaot wan wo mo wan prapa bigfala nogud taem we bae i kam bifo long Mileniom. Japta 3 i tokbaot ol Lata-dei Sent mo i talemaot bakegen se evri nesen bae oli mekem wo, be bambae Lod i stap long Saeon.
Pita i talem ol toktok blong profesi blong Joel long saed blong Spirit we i bin kam fulap long dei blong Pentekos (Joel 2:28–32; Wok 2:16–21). Enjel Moronae i yusum semfala toktok ia mo i talem long Josef Smit (JS—H 1:41).