Maeka
Wan profet blong OlTesteman. Hem i kamaot long ples ia, Moreset Gat, long flat ples kantri blong Juda, mo i bin stap talem ol profesi long taem we Hesekia i king (Maeka 1:1–2).
Buk blong Maeka
Maeka i wan buk ia nomo insaed long OlTesteman we i talem se Betlehem i wan ples we bae Mesaea bae i bon i kam long wol long hem (Maeka 5:2). Insaed long buk ia, Lod i givim kaonsel long ol pipol blong Hem, mo i tokbaot bakegen ol samting we Hem i bin mekem i gud long olgeta long bifo; Hem i askem jastis, sore, mo tingting we i stap daon long olgeta (Maeka 6:8).