Olta Luk tu long Sakrifaes Hem i olsem wan smol tebol we oli wokem long ston o nara samting we oli yusum blong mekem ol sakrifaes, ol ofring mo mekem wosip. Noa i bildim wan olta long Lod mo i bonem ol ofring ia long faea, Jen 8:20. Ebram i bildim wan olta long Lod, Jen 12:7–8. Ebraham i fasem boe blong hem, Aesak, i putum hem antap long olta, Jen 22:9 (Jen 22:1–13). Jekob i bildim wan olta long ples ia mo singaotem ples ia El Betel, Jen 35:6–7. Elaeja i bildim wan olta mo i traem ol pris blong Bal, 1 King 18:17–40. Sapos yu kam long olta blong givim presen long God, fastaem, yu go stretem poen we yu gat wetem brata blong yu, Mat 5:23–24. Mi luk, long stamba blong olta, sol ia blong olgeta we oli bin kilimded olgeta from oli stap talemaot toktok blong God, Rev 6:9 (D&K 135:7). Lihae i bildim wan olta wetem ol ston, mo i talem tangkyu long Lod, 1 Nif 2:7. God i sevem Ebraham long ded taem oli bin putum hem antap long wan olta blong Elkena, Ebr 1:8–20.