Mosaea, Boe blong Benjamin

Wan buk insaed long Buk blong Momon. Ol japta 1–6 oli holem toktok we i gat paoa blong King Benjamin we hem i givim long ol pipol blong hem. Spirit blong Lod i bin tajem hat blong olgeta mo ol pipol ia oli jenisim laef blong olgeta mo oli nomo filim se oli wantem blong mekem nogud samting. Ol japta 7–8 oli tokbaot wan grup blong Ol Man blong Nifae we oli go stap long graon blong Ol Man blong Leman. Oli sendem wan grup blong lukaotem olgeta. Amon, wan lida blong grup ia i faenem olgeta mo i lanem stori blong ol tes blong olgeta anda long rul blong Ol Man blong Leman. Ol japta 9–24 oli tokbaot strong rul ia we oli bin stap anda long hem mo olsem wanem ol lida blong olgeta—Sinif, Noa mo Limhae—oli bin stap laef anda long rul blong Ol Man blong Leman. Oli raetemdaon tu abaot taem we oli kilimded wan profet we oli singaotem Abinadae. Alma i bin jenisim laef blong hem long taem we Abinadae i pas long kot. Ol japta 25–28 oli tokbaot ol stori blong olsem wanem boe blong Alma mo ol fo boe blong King Mosaea oli jenisim laef blong olgeta. Long japta 29, King Mosaea i talem se bae i gud se i gat wan sistem blong ol jaj i stap blong tekem ples blong ol king. Oli putum Alma, boe blong Alma, i kam jif jaj.