Gospel we i fulwan blong Jisas Kraes (D&K 66:2). Hem i niu evri taem hem i kamaot niu folem wan taem blong apostasi. Hem i no gat en long wei ia we hem i kavenan blong God, mo evri dispensesen blong gospel oli bin kasem long weaples ol pipol oli bin wantem blong kasem. Kavenan we i niu mo i no gat en, i kamaot bakegen long man long wol ia tru long Jisas Kraes tru long Profet Josef Smit. I holem ol tabu odinens we prishud atoriti i givim—olsem baptaes mo tempol mared—we i givim long man, fasin blong sevem man, fasin blong nomo save ded, mo laef we i no save finis. Taem ol pipol oli akseptem gospel mo oli promes blong obei long ol komanmen blong God, ol kavenan blong God i givim olgeta ol blesing blong kavenan ia we i niu mo i no gat en.