Mesaea

Wan kaen toktok long lanwis Aremia mo Hibru we i minim “Hem we oli anoentem Hem.” Long Niu Testeman, oli singaotem Jisas se hem i Kraes, we long lanwis Gris, hem i Mesaea. Hem i minim Profet, Pris, King we oli anoentem hem, mo Man blong Sevem Man, we Ol Man Jiu oli wet long hem longtaem.

Plante man Jiu oli bin stap lukaotem wan man blong sevem olgeta we bae i kamaot long paoa blong Ol Man Rom, mo blong oli kam antap moa olsem wan nesen; mekem se, taem we Mesaea i kam, ol lida mo ol narawan oli sakemaot Hem. Olgeta we oli bin gat tingting i stap daon mo olgeta we oli bin stap fetful nomo oli bin save luk tru Kraes ia long Jisas blong Nasaret (Aes 53; Mat 16:16; Jon 4:25–26).