Noa, Petriak long Baebol

Long OlTesteman, hem i boe blong Lemek mo nambaten petriak stat long Adam i kam (Jen 5:29–32). Hem i testifae abaot Kraes mo i prijim fasin blong sakem sin long wan jeneresen we i nogud. Taem ol pipol oli sakemaot mesej blong hem, God i givim oda long hem blong bildim wan bigfala sip blong putum famli blong hem mo evri animol insaed long hem taem bae bigfala wota i kavremap wol blong kilimded olgeta we oli nogud (Jen 6:13–22; Moses 8:16–30). Profet Josef Smit i tijim se Noa i enjel Gabriel, mo hem i stanap long saed blong Adam blong holem ol ki blong fasin blong sevem man.