Voes Luk tu long Revelesen Olsem we oli yusum long ol skripja, samtaem i wan laod mesej we Lod, o ol mesenja blong Hem oli talem. Voes blong Spirit i save tu stap olsem wan voes we yu no save harem, be i toktok stret i go long hat mo long maen. Adam mo Iv i harem voes blong Lod God, Jen 3:8 (Moses 4:14). Lod i toktok long Elaeja long wan kwaet smol voes, 1 King 19:11–13. Olgeta we oli stret mo gud oli folem voes blong Gudfala Man blong Lukaot long Sipsip, Jon 10:1–16. Evriwan we i blong trutok bae i harem voes blong mi, Jon 18:37. Mi bin obei long voes blong Spirit, 1 Nif 4:6–18. Wan voes i kam long mi, i talem: Inos, mi fogivim ol sin blong yu, Inos 1:5. Hem i wan kwaet voes we i sofsof stret gud, mo i bin go tru kasem sol, Hil 5:29–33 (3 Nif 11:3–7). Nomata oli kamaot tru long voes blong miwan o tru long voes blong ol wokman blong mi, i semmak, D&K 1:38. Wanem we bae oli talem taem Tabu Spirit i lidim olgeta, bae i voes blong Lod, D&K 68:2–4. Evri sol we i obei long voes blong mi bae i luk fes blong mi, mo save se mi mi stap, D&K 93:1.