Levitikas

Wan buk long OlTesteman we i tokbaot ol diuti blong ol pris long Isrel. Hem i tokbaot bigwan tabu fasin blong God mo standet we ol pipol blong Hem oli laef folem blong save kam tabu. Stamba tingting blong hem i blong tijim ol klin tingting mo ol trutok blong relijin blong loa blong Moses tru long ol seremoni. Moses i bin raetem buk blong Levitikas.

Ol japta 1–7 oli eksplenem ol odinens long saed blong sakrifaes. Ol japta 8–10 oli tokbaot seremoni long saed blong konsekresen blong pris. Japta 11 i eksplenem wanem oli save o no save kakae mo wanem i klin o no klin. Japta 12 i tokbaot ol woman afta we pikinini i bon long wol. Ol japta 13–15 oli ol loa we oli tokbaot fasin blong no stap klin we i mekem wan i no save tekpat long ol seremoni. Japta 16 i tokbaot seremoni blong folem long Dei blong Atonmen. Ol japta 17–26 oli givim wan standet blong ol loa we i lukluk long fasin blong lukluk long relijin mo ol nara samting. Japta 27 i eksplenem se Lod i givim oda long Isrel blong konsekretem ol krop, ol grup blong animol, mo ol buk blong olgeta i go long Lod.