Odinens, Ol
Ol tabu samting mo seremoni. Ol odinens, oli ol samting we oli gat mining long saed blong spirit. Ol odinens i save minim tu ol loa mo rul blong God.
Ol odinens insaed long Jos, i gat blong blesem olgeta sikman (Jem 5:14–15), blesem sakramen (D&K 20:77, 79), baptaes andanit long wota (Mat 3:16; D&K 20:72–74), blesing blong ol pikinini (D&K 20:70), givim Tabu Spirit (D&K 20:68; 33:15), givim prishud (D&K 84:6–16; 107:41–52), ol tempol odinens (D&K 124:39), mo mared long kavenan ia we i niu mo i no gat en (D&K 132:19–20).
Odinens long bihaf blong wan narafalawan
Wan odinens blong relijin we wan we i laef i mekem long bihaf blong wan we i ded. Olgeta odinens ia oli kam laef nomo taem olgeta we oli ded we oli mekem ol odinens ia blong olgeta, oli akseptem ol odinens ia, oli kipim ol kavenan we i go wetem, mo oli kam sil tru long Tabu Spirit blong Promes. Ol odinens ia, oli stap mekem tedei insaed long ol tempol.