Wan we i yangfala, we i no kam man o woman yet. Ol papa mo mama oli mas tijim ol pikinini blong olgeta blong oli obei long tingting blong God. Ol pikinini oli no gat sin kasem taem nomo we oli kasem yia we oli save ansa from aksen blong olgeta (Moro 8:22 ; D&K 68:27 ).
Ol pikinini, oli wan presen we Lod i givim i stap, Sam 127:3–5 .
Tijim wan pikinini long rod we hem i mas folem, Prov 22:6 .
Sapos i no gat Fasin blong Foldaon, bae Adam mo Iv i no save gat pikinini, 2 Nif 2:22–23 .
Tijim ol pikinini blong wokbaot long ol wei blong trutok mo blong stap tru, Mos 4:14–15 .
Ol smol pikinini oli gat laef we i no save finis, Mos 15:25 .
Jisas i tekem ol smol pikinini mo i blesem olgeta, 3Â Nif 17:21 .
Bae yufala i tijim evri pikinini blong yufala abaot Lod, mo pis blong ol pikinini blong yufala bae i bigwan, 3Â Nif 22:13 (Aes 54:13 ).
Ol smol pikinini oli no nidim blong sakem sin o kasem baptaes, Moro 8:8–24 .
Wan Stret Pikinini ia Nomo blong Mi i pemaot ol smol pikinini stat long stat blong wol, D&K 29:46–47 .
Ol papa mo mama oli mas tijim ol pikinini abaot ol prinsipol blong gospel mo ol praktis blong gospel, D&K 68:25, 27–28 .
Ol pikinini oli kam tabu tru long atonmen blong Kraes, D&K 74:7 .
Ol papa mo mama oli kasem komanmen blong lukaotem ol pikinini blong olgeta long laet mo trutok, D&K 93:40 .
Ol pikinini we oli ded bifo oli kasem yia blong save ansa from aksen blong olgeta, Jisas i sevem olgeta, i putum olgeta long selestial kingdom, D&K 137:10 .