Elisa

Hem i wan profet long OlTesteman long Not Kingdom blong Isrel mo i wan advaesa blong ol king blong kantri ia we oli trastem hem.

Elisa, fasin blong hem i gud mo i kaen, be i no gat strong tingting ia we masta blong hem, Elaeja i bin gat mo oli save gud hem from. Ol merikel we oli save gud long olgeta (2 King 2–5; 8) oli testifae se i tru we hem i kasem paoa blong Elaeja taem hem i kam afta long Elaeja olsem wan profet (2 King 2:9–12). Eksampol, hem i bin hilim ol wota blong wan konkon spring, i bin seraotem ol wota blong Jodan Reva, i bin mekem oel long botel blong wido i no save finis, i mekem wan boe i girap long ded, i hilim wan man long sik leprosi, i mekem wan aean akis i flot, mo i mekem ol pipol blong Siria oli kam blaen (2 King 2–6). Seves blong hem i bin stap blong moa long fifti yia long taem blong rul blong Jihoram, Jehu, Jeosa, mo Joas.