Kros i fasin blong soemaot fasin blong yu. Lod i bin givim woning long olgeta Sent blong hem blong oli mas kontrolem kros blong olgeta (Mat 5:22 ). Ol papa mo mama, wetem ol pikinini tu, oli no save kros long olgeta o narawan insaed long famli. Insaed long skripja, plante taem oli tokbaot kros olsem faea (2Â Nif 15:25 ; D&K 1:13 ).
Mo Ken i kros tumas, mo fes blong hem i kam nogud, Jen 4:5 .
Lod i slo blong stap kros, mo hem i gat bigfala sore, Sam 145:8 .
Wan gud toktok long man i save mekem tingting blong hem i kam kwaet, Prov 15:1 .
Fasin blong man i kros kwik i stap pulum rao i kam, be fasin blong man i gat longfala tingting i mekem man i kam kwaet, Prov 15:18 (Prov 14:29 ).
Mi wantem man i presem nem blong mi from mi stap holemtaet kros blong mi, Aes 48:9 .
Mi rere blong givhan long wan pipol we i stap mekem mi mi kros oltaem, Aes 65:2–3 .
Huia i slapem fes blong yu long raet saed, bae yu mas letem i slapem yu long narasaed tu, Mat 5:39 .
Ol papa, bambae yufala i no mas mekem samting long ol pikinini we i save mekem olgeta oli kros, Efes 6:4 .
From mi talem trutok long yufala, nao yufala i kros long mi, Mos 13:4 .
Bae mi panisim pipol ia long kros blong mi, Alma 8:29 .
God i no save mekem kros blong hem i girap agensem wan man, be nomo, olgeta we oli no luksave han blong God long evri samting, D&K 59:21 .
Mi, Lod, mi kros bigwan wetem ol nogud man, D&K 63:32 .