Hat Luk tu long Bon Bakegen, Bon long God; Hat we I Fulap long Sore Hem i wan simbol o saen blong maen, mo tingting blong man, mo i olsem pikja blong stamba blong evri filing blong yumi. Lavem Lod we i God blong yu wetem ful hat blong yu, Dut 6:5 (Dut 6:3–7; Mat 22:37; Luk 10:27; D&K 59:5). Lod i lukaotem wan narafala man we i stret gud long fes blong hem, 1 Saml 13:14. Man i stap lukluk long bodi blong man nomo be mi mi stap lukluk long tingting blong hem, 1 Saml 16:7. Man we tingting blong hem i klin mo laef blong hem i stret i gat raet blong go antap long hil blong Hae God, mo Hae God i blesem hem, Sam 24:3–5 (2 Nif 25:16). Tingting blong man i olsem wanem, bae hem i semmak long hemia, Prov 23:7. Elaeja bae i tanem hat blong ol papa i go long ol pikinini, mo hat blong ol pikinini i go long ol papa blong olgeta, Mal 4:5–6 (Luk 1:17; D&K 2:2; 110:14–15; 138:47; JS—H 1:38–39). Mi blesem olgeta we hat blong olgeta i klin gud, Mat 5:8 (3 Nif 12:8). Taem man i tok i stap talemaot ol gudfala tingting o ol rabis tingting blong hat blong hem, Luk 6:45. Folem Pikinini wetem ful stamba tingting blong hat blong yu, 2 Nif 31:13. Yufala i bon long spirit blong God mo kasem wan bigfala jenis long hat blong yufala, Alma 5:14. Yufala i mekem olsem wan sakrifaes long mi, wan hat we i fulap wetem sore mo wan spirit we i wantem blong sakem sin, 3 Nif 9:20 (3 Nif 12:19; Ita 4:15; Moro 6:2). Bambae mi talem long yu insaed long maen mo insaed long hat blong yu, tru long Tabu Spirit, D&K 8:2.