Loa blong Moses

God i givim ol loa, tru long Moses, i go long haos blong Isrel blong i tekem ples blong loa ia we i moa hae from se oli no save obei (Eks 34; JST, Eks 34:1–2; JST, Dut 10:2 [Apendiks]). Loa blong Moses, i gat plante prinsipol, rul, seremoni, fasin blong mekem samting, mo simbol insaed long hem, blong mekem ol pipol oli tingbaot diuti mo responsabiliti blong olgeta. Hem i tekem loa blong ol komanmen mo aksen long saed blong tingting, fasin, relijin mo long saed blong bodi—wetem ol sakrifaes (Lev 1–7)—we oli blong mekem olgeta oli tingbaot God mo diuti blong olgeta long Hem (Mos 13:30). Fet, fasin blong sakem sin, baptaes long wota, mo blong kam klin aot long ol sin, oli bin pat blong loa ia, semmak olsem Ol Ten Komanmen mo plante narafala komanmen we oli gat ol hae rul long saed blong fasin mo tingting. Plante samting long saed blong loa blong seremoni i kamtru long taem we Jisas Kraes i ded mo i laef bakegen long ded, mo hemia i putum en long sakrifaes blong mekem blad i ron (Alma 34:13–14). Loa ia, Aronik Prishud nao i stap lukaotem, mo i wan gospel we i mekem man i rere, blong tekem olgeta man blong hem i kam long Kraes.