Long ol skripja, wan strong nogud tok we oli sakem, hem i taem God i putum tabu loa blong Hem long praktis, mo strong nogud tok ia i letem o i tekem ol jajmen mo ol risal blong ol jajmen ia i go long wan samting, o long wan man o woman, o long wan pipol speseli from i no gat stret mo gud fasin. Ol strong nogud tok we God i sakem i wan pruf blong tabu lav mo jastis blong God. God i save talemaot ol strong nogud tok ia, o ol wokman blong Hem we Hem i givim raet long olgeta oli talem. Samtaem, ful risen from wanem wan i kasem wan strong nogud tok, God nomo i save. Antap long hemia, taem wan i fesem samting we i kamaot long wan strong nogud tok, hem i from hem i minim blong hem i no obei long God, nao, from hemia, oli putum olgeta oli stap longwe long Spirit blong Lod.
Lod i save tekembak ol strong nogud tok from bilif we wanwan man, woman, o pipol i gat long Jisas Kraes, mo from fasin blong hem blong stap obei long ol loa mo ol odinens blong gospel (Alma 23:16–18; 3 Nif 2:14–16; TbB 1:3).
Nogud Tok
Blong sakem wan strong nogud tok, hem i tu blong yusum wan lanwis we i sakem ol rabis toktok, we oli giaman, o oli daonem man.