Lot

Long OlTesteman, hem i boe blong Haran mo nifiu blong Ebraham (Jen 11:27, 31; Ebr 2:4); Haran i ded from taem we kakae i sot long Uru (Ebr 2:1). Lot i aot long Uru wetem Ebraham mo Sera, mo i go wetem tufala long Kenan (Jen 12:4–5). Lot i jusum blong stap long Sodom. Lod i sendem ol mesenja blong givim woning long Lot blong ronwe long Sodom bifo Hem i prapa spolem gud evriwan taon ia from ol nogud fasin blong ol pipol (Jen 13:8–13; 19:1, 13, 15); be, waef blong Lod i lukluk i gobak long taem ia we Lod i stap spolem Sodom mo hem i kam strong i kam wan ston blong sol (Jen 19:26). Long Niu Testeman i gat ol skripja we oli tokbaot Lot (Luk 17:29; 2 Pita 2:6–7). Laef blong hem afta we hem i aot long Ebraham oli stap long Jenesis 13, 14 mo 19.