Korin, Leta I Go long Ol Kristin Man long
Tufala buk long Niu Testeman. Fastaem, tufala ia i ol leta we Pol i bin raetem long olgeta Sent long Korin blong stretem ol trabol we i bin stap long medel blong olgeta. Ol man Kor oli bin laef long wan sosaeti we i bin stap folem ol nogud fasin long saed blong seks.
Fas Kor
Japta 1 i tekem ol griting blong Pol mo strong toktok blong hem we i askem olgeta Sent blong oli mas kam wan. Ol japta 2–6 oli ol toktok blong Pol blong stretem ol rong blong olgeta Sent long Korin. Ol japta 7–12 oli ol ansa blong Pol long samfala kwestin. Ol japta 13–15 oli tokbaot ol poen olsem jareti, ol presen blong Spirit, mo Laef Bakegen long Ded. Japta 16 i tekem kaonsel blong Pol blong stanap strong long bilif.
Seken Kor
Japta 1 i tekem ol griting blong Pol mo wan mesej blong leftemap tingting. Japta 2 i tekem wan advaes we i blong Taetas. Ol japta 3–7 i tokbaot paoa blong gospel insaed long laef blong olgeta Sent mo ol lida blong olgeta. Ol japta 8–9 i givim advaes long olgeta Sent blong oli mas glad blong givim samting long olgeta puaman. Ol japta 10–12 i ol toktok we i talem se Pol i stap olsem wan Aposol. Japta 13 i wan toktok blong askem strong long ol man blong oli kam stret evriwan.