Perel we I Gat Bigfala Praes

Kingdom blong God long wol i olsem wan Perel we I Gat Bigfala Praes (Mat 13:45–46).

Perel we I Gat Bigfala Praes i nem tu we oli givim long wan long ol fofala buk blong skripja we oli singaotem “ol standet tabu wok” blong Jos Ia blong Jisas Kraes blong Ol Lata-dei Sent. Fas edisen blong Perel we I Gat Bigfala Praes oli pablisim long 1851 mo i gat samfala samting we oli stap naoia insaed long Doktrin mo Ol Kavenan. Ol edisen we oli pablisim stat long 1902 i gat (1) samfala pat blong translesen blong Jenesis we Josef Smit i raetem, we oli singaotem tu buk blong Moses, mo Matiu 24, we oli singaotem Josef Smit—Matiu; (2) translesen blong Josef Smit blong samfala leta blong Ijip we hem i kasem long 1835, we oli singaotem buk blong Ebraham; (3) wan pat blong histri blong Jos we Josef Smit i raetem long 1838, we oli singaotem Josef Smit—Histri; mo (4) Ol Toktok blong Bilif, we oli ol tetin toktok blong bilif mo doktrin.