Galesia, Leta I Go long Ol Kristin Man long

Hem i wan buk long Niu Testeman. Fastaem, hem i wan leta we Aposol Pol i bin raetem i go long olgeta Sent we oli stap raon long Galesia. Stamba toktok blong leta ia i we, wan i save faenem tru fridom sapos nomo hem i laef folem gospel blong Jisas Kraes. Sapos olgeta Sent oli stap folem ol tijing blong Ol Man Jiu we oli Kristin man we oli strong blong stap folem loa blong Moses, bae oli mekem fridom we oli faenem long Kraes i kasem sam limit, o bae i lus evriwan. Long leta ia, Pol i stanemap posisen blong hem olsem wan Aposol, mo i eksplenem doktrin blong stap stret mo gud tru long fet mo i konfemem valiu blong wan relijin long saed blong spirit.

Long ol japta 1 mo 2, Pol i talemaot sore blong hem blong kasem nius blong apostasi long medel blong Ol Man Galesia, mo i kliarem posisen blong hem long ol Aposol. Ol japta 3 mo 4 oli tokbaot ol doktrin blong fet mo ol wok. Ol japta 5 mo 6 oli rekodem wan toktok long wanem i kamaot olsem risal blong doktrin blong fet.