Komanmen, Ol Ten

Tenfala loa we God i givim tru long Profet Moses blong lidim gud fasin blong man.

Hibru Nem blong olgeta toktok ia i, “Ol Ten Toktok.” Oli singaotem olgeta ten komanmen ia, Kavenan (Dut 9:9), o Testemoni (Eks 25:21; 32:15). Taem ia, we God i givim Ol Ten Komanmen i go long Moses, mo tru long Moses i givim Ol Ten Komanmen ia i go long Isrel, oli tokbaot insaed long Eksodas 19:9–20:23; 32:15–19; 34:1. God i bin raetem ol komanmen ia long tufala ston, we oli putum insaed long Bokis; from hemia, Bokis ia oli bin singaotem Bokis blong Promes (Nam 10:33). Lod, we i stap stanap long toktok long Dutronome 6:4–5 mo Levitikas 19:18, i tokbaot Ol Ten Komanmen i kam sot, i stap long “tufala loa ya [we i] stamba blong loa we God i givim” (Mat 22:37–39).

Olgeta Ten Komanmen ia, oli ripitim olgeta insaed long ol revelesen blong ol las dei (JST, Eks 34:1–2, 14 [Apendiks]; Mos 12:32–37; 13:12–24; D&K 42:18–28; 59:5–13).