Asiria

Wan gavman blong bifo we, wetem gavman we i kompit wetem hem, Babilon, i bin rulum plante olfala stet blong Siria mo Palestaen truaot long bigfala pat blong taem blong OlTesteman. Nomata Ol Man Asiria oli wan bigfala paoa stat long medel blong namba 12 senturi B.K.B. kasem en blong namba 7 senturi B.K.B., oli bin save bildimap wan gudfala politik sistem. Oli bin rul tru long fasin blong mekem man i fraet, oli smasem ol enemi blong olgeta wetem faea mo naef blong faet, o i mekem ol pipol oli nomo strong bae oli stap ronemaot bigfala namba blong populesen i go long ol narafala ples we gavman ia i stap rulum. Ol pipol we oli bin stap anda long rul blong Asiria oli bin stap faet oltaem agensem gavman ia. (Luk long 2 King 18–19; 2 Kron 32; Aes 7:17–20; 10; 19; 37.)