Ita

Wan buk insaed long Buk blong Momon we i tekem samfala pat blong rekod blong Ol Man blong Jared. Ol man blong Jared oli bin wan grup blong ol pipol we oli bin stap long Wes pat blong wol plante senturi bifo ol pipol blong Lihae. Buk blong Ita i kamaot long twantefo buk we ol pipol blong Limhae oli faenem (Mos 8:8–9).

Ol japta 1–2 oli tokbaot olsem wanem Ol Man blong Jared oli aot long hom blong olgeta long taem blong Taoa blong Babel, mo oli statem rod blong olgeta i go long wanem we yumi save naoia olsem graon blong Amerika. Ol japta 3–6 oli eksplenem se brata blong Jared i bin luk Sevya taem Hem i no bin kam yet long wol ia, mo i eksplenem se Ol Man blong Jared oli bin travel long eit baj o sip. Ol japta 7–11 oli gohed blong talem histri blong nogud fasin we i bin fulap long histri blong Ol Man blong Jared. Moronae, we i bin stretem rekod blong Ita, i bin raetem long ol japta 12–13 abaot ol sapraes we oli bin hapen tru long fet, i tokbaot Kraes mo wan Niu Jerusalem we bae i kam yet. Ol japta 14–15 oli talemaot olsem wanem Ol Man blong Jared oli kam wan strongfala nesen, be afta, lokol wo i prapa spolem gud olgeta from se nogud fasin blong olgeta.