Sora Luk tu long Lisin Gud, Mekem Folem Long ol skripja, plante taem oli yusum sora olsem saen blong paoa blong wan blong save harem mo andastanem ol samting blong God. Oli gat sora, be oli no harem samting, Sam 115:6. Lod i wekemap sora blong mi blong mi harem tok blong hem, Aes 50:4–5 (2 Nif 7:4–5). Hem we i gat ol sora blong harem, letem hem i harem, Mat 11:15. Sora blong olgeta i strong blong harem samting, Mat 13:15 (Moses 6:27). I no gat ae i luk, mo i no gat sora i harem ol samting ia we God i stap mekem i rere blong olgeta we oli lavem hem, 1 Kor 2:9 (D&K 76:10). Devel i wispa long sora blong olgeta, 2 Nif 28:22. Openem ol sora blong yufala blong mekem se yufala i save harem, Mos 2:9 (3 Nif 11:5). Oli bin singaotem mi plante taem mo mi no bin lisin, Alma 10:6. Harem ol toktok blong mi, Alma 36:1 (Alma 38:1; D&K 58:1). I no gat sora we bae i no harem voes blong Lod, D&K 1:2. Ol sora oli open tru long fasin blong putum tingting i stap daon mo tru long prea, D&K 136:32.